Êsai 17:14 - Nau Brah Ndu Ngơi 2023

¹⁴ Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 17:14 ပူးပေါင်းရင်းမြစ်များ

II Phung Hađăch 19:3

Khân păng lah ma păng: “Hađăch Hêsêkia lah kơt aơ: ‘Nar aơ jêng nar rŭng răng, nau nduyh, jêh ri nau bêk prêng; tâm ban bu ur lĕ tât nôk deh kon jêh, ƀiălah mâu tŏng suan gay deh kon ôh.

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

Ndrom Samƀŭt bơh Yôp 20:29

Nây jêng kô̆ Brah Ndu prăp ma bunuyh ƀai, Jêng drăp ndơn Brah Ndu tâm nal ma păng.”

Nau Mprơ Ơm 37:36

Ƀiălah geh bunuyh hăn rgăn, ri păng mâu hôm ôh; Gâp joi păng ƀiălah mâu mâp.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Êsai 10:25

Yorlah hôm knŏng ƀât lât đŏng, phat dôih tâm rmal mra lôch; jêh ri nau Gâp ji nuih mra rle mpeh khân păng gay ƀư rai khân păng.

Êsai 21:12

Bunuyh tahan gak nsĭt lah: “Ôi tât, măng tât đŏng. Tơlah ŭch ôp, ôp hom; Ƀiălah plơ̆ tay hom, văch hom ta aơ.”

Êsai 29:2

Gâp mra nchueng jŭm Ariêl, Păng mra geh nau rngot klâng jêh ri lŭng nter, Ƀiălah păng ăt hôm jêng ƀon Ariêl ma Gâp.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 29:7

Phung tahan lĕ bri dak hăn lơh Ariêl, Lĕ rngôch phung hăn lơh, ƀư rai pôih, jêh ri rêt păng Mra roh rai tâm ban ma nau mbơi, tâm ban ma mbơi kêng măng.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 33:18

Nuih n'hâm may mra gŭ mĭn ma nau klach krit ngăn, jêh ri ôp êng: “Mbah ntŭk kôranh chiă uănh? Mbah ntŭk nơm riu pi? Mbah ntŭk nơm kơp lĕ ngih tŭm gak?”

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Êsai 41:12

May mra joi phung tâm rdâng đah may, Ƀiălah mâu saơ khân păng ôh; Phung tâm lơh đah may Bu mra nkhĭt lĕ jêh ri mâu hôm geh ôh.

Yêrêmi 13:25

Brah Yêhôva lah: “Nây jêng mrô nal may, Jêng kô̆ Gâp prăp ăn may, Yorlah may hŏ chuêl Gâp Jêh ri rnơm nsing ma nau mƀruh nchơt.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 49:10

Ƀiălah Gâp hŏ doh lơi rhôk Y-Êsau, Mpơl lĕ jêh đơ ntŭk ndâp păng gŭ krap, Păng mâu dơi krap ôh. Kon sau, oh nâu, phung chiau meng păng bu ƀư rai da dê, Păng nơm mâu mra hôm đŏng ôh.

Êsêkiêl 39:10

Khân păng mâu ŭch joi long tâm mir, mâu chôk long tâm krŏng, yorlah khân păng sŏk ndơ tâm lơh prăp sĭnh ŭnh. Khân păng mra tŭn jot phung lĕ tă tŭn jot khân păng jêh ri pit in phung hŏ tă pit in khân păng, Kôranh Brah Yêhôva lah pônây.

Sakari 2:12

Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.