Êsai 17:12 - Nau Brah Ndu Ngơi 2023

¹² Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 17:12 ပူးပေါင်းရင်းမြစ်များ

Nau Mprơ Ơm 18:4

Rse nau khĭt nchueng jŭm gâp, Lĕ dak thăng nau rai yot ƀư ăn gâp klach krit.

Nau Mprơ Ơm 29:3

Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

Nau Mprơ Ơm 83:2

Yorlah ri, phung rlăng May ƀư nau uh ah, Jêh ri phung tâm rmot đah May n'gơr bôk.

Êsai 13:4

Ta lĕ yôk geh nau uh ah, Tâm ban ma nteh phung tahan âk râk! Nĕ jêng nter rđuh ngrông bơh lĕ bri hađăch, Jêng lĕ bri dak tâm rƀŭn tâm mâp ndrel. Brah Yêhôva ma phung tahan dôl hŏ rgum băl Du phung tahan gay hăn tâm lơh.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 8:9

Ơ phung ƀon lan, ăn khân may tâm gop jêh ri bu mbang rai! Ơ lĕ rngôch bri ngai, rkêng tôr iăt hom! Rêt hom rse bŭt, jêh ri bu dong nchah; Rêt hom rse bŭt, jêh ri bu dong nchah!

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Êsêkiêl 43:2

Gâp saơ nau chrêk ma lơp Brah Ndu Israel tă bơh mpeh luh nar văch tât. Nteh bâr Păng nâm bu nteh n'gôr dak toyh, jêh ri tâm neh nchrat ang yor nau chrêk ma lơp Păng.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Mika 4:11

Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Nau Kơp Bunuyh 10:35

Tơlah Hip Nau Tâm Rnglăp trơn, Y-Môis lah pô aơ: “Ơ Brah Yêhôva, dăn dâk hăn gay ƀư ma phung rlăng May chah rai pru pra, Jêh ri ƀư ma phung tâm rmot ma May nchuăt du panăp May!”

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.

Nau Tâm Mpơl 17:1

Nôk nây, du huê tâm pơh nuyh tông mpăr djôt pơh mlâm ngan văch tât jêh ri đă ma gâp pô aơ: “Văch hom aơ, gâp mra ntĭm ma may nau phat dôih bu ur văng tĭr toyh gŭ ta klơ lĕ n'hong dak ri.

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.