Êsai 17:11 - Nau Brah Ndu Ngơi 2023

¹¹ Ta nar may tăm, may saơ păng văch ma toyh, Tâm kêng ôi, găr ntil chăt nse jêh ri dang kao; Ƀiălah tâm nar geh nau rngot ji ngăn Pôri yan kăch roih roh lĕ!

Êsai 17:11 ပူးပေါင်းရင်းမြစ်များ

Ndrom Samƀŭt bơh Yôp 4:8

Tĭng nau gâp saơ, mbu nơm chuar nau djơh mhĭk Jêh ri srih nau rŭng răng mra rek păng kơt nĕ.

Nau Mprơ Ơm 90:6

Ơm ôi kao păng dang jêh ri ueh nse; Tât kêng mhaơ păng rai lĕ jêh ri kro.

Êsai 17:5

Nau nây mra tât ma păng tâm ban ma nơm rek kuăn lĕ nkong ba Jêh nây sŏk ti păng koh ndrŏng ba; Jêh ri nâm bu nôk bu mban ba Tâm rlŭng Rêphaim.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Ndrom Samƀŭt bơh Ôsê 9:16

Êphraim bu lơh jêh; Reh păng lĕ kro. Khân păng mâu mra play đŏng ôh; Nđâp tơlah khân păng deh kon Tâm ban lĕ Gâp nkhĭt lơi lĕ kon nau rŏng khân păng hŏ ntreo jêh.”

Yôel 1:17

Ntil huănh jêh tâm dâng rchuăl neh; Ngih prăp ndơ rai jêh, jay rlâm hăch, Yorlah ba mâu hôm geh.

Kan Lêvi 26:20

n'hâm suan khân may mra roh dơm dam, neh tâm n'gor khân may mâu deh kao play ôh, tơm si mâu geh play.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Nau Vay Nkah Tay 28:39

Khân may mra tăm jêh ri mât đang krăk ƀâu ƀiălah mâu geh play gay pĕ jêh ri ndrănh gay nhêt, yorlah ndrŭng mra sa lĕ jêh.