Êsai 16:9 - Nau Brah Ndu Ngơi 2023

⁹ Yor nây, ndrel ma nau nhĭm nhhiăng Jaser, Gâp nhĭm ma đang krăk ƀâu Sipma. Ơ Hêsbôn, Êlêaleh, Gâp mra djrah dak măt ta khân may, Yor nau troh nter nơm plên play krăk ƀâu dôl pĕ play tâm yan vai, Jêh ri yan rek khân may mâu hôm geh ôh!

Êsai 16:9 ပူးပေါင်းရင်းမြစ်များ

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Yêrêmi 40:10

Bi gâp be, gâp mra gŭ ta ƀon Mispa gay tâm tang ma khân may vơt rom phung Kaldê dăch tât ta aơ jêh. Bi khân may, bun prăp hom ndrănh krăk ƀâu, kao play si yan vai, jêh ri dak ngi ôlive jêh nây prăp tâm lĕ yăng. Gŭ rêh hom tâm ƀon khân may hŏ pit in jêh.”

Yêrêmi 40:12

pôri lĕ phung Yuđa nây tă bơh ăp ntŭk bu hŏ mprơh plơ̆ sĭt da dê ma n'gor bri Yuđa, tât ma Y-Gêdalia ta ƀon Mispa. Khân păng bun prăp âk ngăn ndrănh jêh ri kao play si yan vai.

Êsêkiêl 27:31

Khân păng poih bôk plưn yor may, Jêh ri nsoh ao ƀau. Khân păng mra nhĭm vơl may, Jêh ri nuih n'hâm bêng ma rngot klâng.

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.