Êsai 16:7 - Nau Brah Ndu Ngơi 2023

⁷ Yor nây, Môap mra nhĭm nhhiăng, Lĕ rngôch bunuyh nhĭm da dê yor ma Môap. Ăn khân may nhĭm hom, rđêng nđor hom Yor ƀănh play krăk ƀâu tă bơh ƀon Kir-Harêset!

Êsai 16:7 ပူးပေါင်းရင်းမြစ်များ

II Phung Hađăch 3:25

Khân păng dơi geh âk rplay ƀon, jêh ri ăp nơm klŭp srih lŭ ta lĕ rngôch mir ueh kŏ tât brôi ma lŭ; khân păng nsêt lơi lĕ rngôch rmlông tu dak, jêh ri kăl lơi lĕ rngôch tơm si ueh, kŏ tât hôm e knŏng êng lŭ dơm tâm ƀon Kir-Harêset, jêh ri klŭp đŏng lŭ ma rse ntâu nchueng jŭm jêh ri ƀư rai ma ƀon nây.

I Nau Rêh Jêng 12:40

Bơh lĕ nkual chiau meng tât neh Isakar, Sabulôn, jêh ri Naptali, lĕ rngôch bunuyh djôt leo ndơ sông sa; khân păng sŏk seh, seh samô, seh bri, jêh ri sŏk ndrôk rdeng piăng let, rnih môi, ƀănh play rvi, ƀănh play krăk ƀâu kro, ndrănh, dak ngi ôlive, jêh ri âk ngăn ndrôk jêh ri biăp. Nau răm maak lam phung Israel.

I Nau Rêh Jêng 16:3

Hađăch tâm pă ma lĕ rngôch phung Israel, bu klâu nđâp bu ur, ăp nơm du glo piăng let, du mlay puăch, jêh ri du glo ƀănh play krăk ƀâu kro.

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Yêrêmi 48:20

Môap prêng yor hŏ rai jêh, Nhĭm vơl hom nter lah! Nkoch hom ta kơh dak krong Arnôn pô aơ bri Môap lĕ rai jêh.

Yêrêmi 48:31

Yor nây yơh, Gâp nhĭm vơl ăn ma bri Môap, Yor lĕ rngôch phung gŭ tâm bri Môap nter vơl. Bu nhĭm vơl ăn ma phung ƀon lan tâm bri Kir-Hêres.