Êsai 16:4 - Nau Brah Ndu Ngơi 2023

⁴ Dăn ăn phung Môap bu nsot jêh Gŭ ndrel ma khân may; Ăn may jêng ntŭk khân păng krap Bơh nơm ƀư rai. Yorlah nơm tŭn jot mâu hôm, Nau ƀư rai lôch jêh; Jêh ri nơm tŭn jot bơh neh bu nkhĭt jêh.

Êsai 16:4 ပူးပေါင်းရင်းမြစ်များ

Êsai 14:4

khân may mra lah nau mưch rmot aơ ma hađăch Babilôn pô aơ: “Nơm tŭn jot lĕ tât nôk phat dôih jêh! Nau păng ji nuih nglĕ dŭt jêh!

Êsai 15:6

Lĕ n'hor dak ta Nimrim Hŏ suăt jêh; Gơ̆ hŏ kro jêh, mâu hôm geh gơ̆ nse, Mâu hôm geh tơm si ndrêh ôh.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Êsai 9:4

Lĕ rngôch ndrom jâng phung tahan soh tâm nôk tâm lơh, Jêh ri kho ao mprănh mham Bu mra prăp ma ndơ ăn ŭnh sa da dê.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 40:11

Tâm ban pônây, lĕ rngôch phung Yuđa dôl gŭ tâm bri Môap jêh ri ta nklang phung kon sau Ammôn, tâm ntŭk bri Êđôm jêh ri tâm bri êng tăng hađăch Babilôn hŏ om du phung hôm gŭ tay tâm n'gor bri Yuđa, jêh ri hŏ ndâk jêh Y-Gêdalia, kon bu klâu Y-Ahikam, sau Y-Saphan, jêng kôranh mât uănh,

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Yêrêmi 48:8

Nơm ƀư rai mra lăp tâm ăp rplay ƀon toyh, Mâu geh du rplay ƀon dơi klaih; Ntŭk rlŭng mra rai lôch Neh lâng bu mra ƀư rai lĕ, Tĭng nâm Brah Yêhôva hŏ lah jêh.

Apdia 1:14

May lơi ta gŭ ta rdjŭm nglah trong Gay nkhĭt phung khân păng nchuăt du; Jêh ri nhŭp jao phung păng hôm rêh. Tâm nar păng mâp nau uh ah.

Sakari 10:5

Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

Nau Vay Nkah Tay 24:14

Mâu dơi tŭn jot ôh bunuyh kan nkhôm jêng o ach jêh ri pưt ndơ, nđâp lah bunuyh nây jêng oh nâu khân may mâu lah bu năch gŭ njưh ƀât lât tâm n'gor jêh ri tâm ƀon khân may.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.