Êsai 16:10 - Nau Brah Ndu Ngơi 2023

¹⁰ Bu hŏ sŏk lơi jêh nau răm maak Bơh đang tơm sa play; Jêh ri tâm đang krăk ƀâu Mâu lĕ hôm geh nau troh răm maak, Mâu geh nơm jot play krăk ƀâu tâm ntu păt ndrănh; Gâp hŏ ƀư roh jêh nau troh răm maak ma nơm jot play krăk ƀâu.

Êsai 16:10 ပူးပေါင်းရင်းမြစ်များ

Ndrom Samƀŭt bơh Yôp 24:11

Khân păng păt dak ngi ta nklang bar rlat lŭ, Jot krăk ƀâu tâm thŭng ƀiălah trô ko ji hir.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Êsai 32:10

Tâm du năm jêh ri bar pe nar đŏng, Khân ay jêng phung mâu gĭt njrăng mra râm sâr, Yorlah yan pĕ play krăk ƀâu mra roh, Jêh ri yan kăch roih mâu đŏng geh.

Yêrêmi 48:33

Nau maak răm hâk maak hŏ roh jêh Tă bơh đang mir geh jêng ngăn bri Môap; Gâp hŏ ƀư ăn ma ndrănh suăt kro tă bơh ntŭk kĭn păt; Mâu hôm geh bunuyh troh maak đŏng ôh dôl jot play krăk ƀâu; Nđâp tơlah geh bâr troh nter ăt mâu jêng bâr troh maak ôh.

Êsêkiêl 7:7

Hơi phung gŭ tâm n'gor bri, mrô hŏ nal ma may; rô̆ lĕ tât jêh, nar hŏ dăch jêh; mra geh nar nau uh ah ntrok nau troh hâk răm ta klơ yôk nâm.

Yôel 1:12

Tơm krăk ƀâu huănh kro, tơm rvi roh rai; Nđâp tơm pom gra nat, tơm đung, tơm pôm, Jêh ri lĕ rngôch tơm si tâm mir huănh kro da dê; Nau răm maak kon bunuyh huănh roh tâm ban lĕ!

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Amôt 5:17

Lĕ rngôch đang krăk ƀâu mra huy nau nhĭm vơl Yorlah Gâp mra rgăn ta nklang khân may.” Brah Yêhôva lah pônây.

Amôt 9:13

Brah Yêhôva lah: “Aơ lĕ nar mra tât, tơlah nơm kai mra tĭng ban nơm rek, Nơm jot play krăk ƀâu tĭng ban nơm srih ntil. Phung yôk ăn truh ndrănh njŭng, Jêh ri ăp yôk mra hoch.

Sôphôni 1:13

Drăp ndơ khân păng bu mra sŏk pit, Ngih vâl bu mra chalơi rngot. Khân păng mra ndâk ngih ƀiălah mâu geh gŭ ôh, Tăm tơm krăk ƀâu ƀiălah mâu geh nhêt ôh dak ndrănh.”

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.