Êsai 15:5 - Nau Brah Ndu Ngơi 2023

⁵ Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 15:5 ပူးပေါင်းရင်းမြစ်များ

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Ntơm 14:2

khân păng tâm lăp băl ŭch tâm lơh đah Y-Bêra hađăch ƀon Sôdôm, Y-Birsa hađăch ƀon Gômôrơ, Y-Sinap hađăch ƀon Adma, Y-Sêmêber hađăch ƀon Sêbôim, jêh ri hađăch ƀon Bêla, jêng Sôar.

Nau Ntơm 19:22

Nchuăt hom gơnh oi du krap ta nây, yorlah gâp mâu dơi ƀư ôh lah may ê hŏ tât ta nây.” Yor nây, ƀon aơ bu rnha ƀon Sôar.

II Samuel 15:23

Lĕ n'gor bri nhĭm nhhiăng lŭng nter dôl lĕ rngôch phung ƀon lan aơ lĕ hăn jêh. Hađăch rgăn dak n'hor Kidrôn, ndrel ma lĕ rngôch phung ƀon lan tât ta trong rlet bri rdah da dê.

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

Êsai 16:14

Ƀiălah aƀaơ, Brah Yêhôva lah pô aơ: “Tâm pe năm đŏng, tĭng nau kơp bunuyh kan nkhôm, nau chrêk rmah Môap jêh ri phung bunuyh âk râk păng mra plăch jêng ndơ bu mưch rmot; phung hôm klen mra jêng djê̆ ngăn jêh ri rdja.”

Êsai 22:5

Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 48:3

Geh bâr nter vah vơl bơh Hôrônaim: ‘Nau jêng rngot njăp jêh ri nau ƀư rai toyh ngăn!’

Yêrêmi 48:5

Hao yôk Luhit, Khân păng hao n'ho ma nhĭm mâu rlu Jŭr sop ƀon Hôrônaim, Tăng bâr nau nter nđêng rngot klâng yor nau ƀư rai.

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Nau Kơp Bunuyh 21:29

Hơi Môap, rêh ni ma may! Hơi phung ƀon lan Kêmôs, khân may lĕ rai lôch jêh! May hŏ ăn jêh phung kon bu klâu may nơm jêng phung nchuăt du, Phung kon bu ur păng jêng bu nă, Ma Y-Sihôn, hađăch phung Amôrit.