Êsai 14:9 - Nau Brah Ndu Ngơi 2023

⁹ Ƀon phung khĭt jru âk râk ƀư mpât đŏng yorlah may Gay chuă vơt may tât. Păng hŏ rlay phung phan bunuyh khĭt yor may, Jêng lĕ rngôch phung kôranh chiă uănh ta klơ neh ntu; Păng hŏ ƀư lĕ rngôch hađăch lĕ bri dak Dâk bơh sưng hađăch khân păng.

Êsai 14:9 ပူးပေါင်းရင်းမြစ်များ

Nau Hôr 15:24

Trong nau rêh njŭn leo bunuyh blau mĭn hăn hao klơ, Gay der bơh ƀon phung khĭt gŭ dêh tâm dâng.

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Yêrêmi 50:8

Du hom tă bơh Babilôn, du luh hom bơh bri Kaldê, hăn hom panăp nâm bu be nkuăng hăn leo mpôl!

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.