Êsai 14:6 - Nau Brah Ndu Ngơi 2023

⁶ Jêng phung mâu rlu dong phung ndŭl mpôl bunuyh Tâm nau ji nuih Chiă uănh lĕ bri dak tâm nau ji nuih, Jêh ri nau ƀư mhĭk mâu geh nơm dơi king ôh.

Êsai 14:6 ပူးပေါင်းရင်းမြစ်များ

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Ndrom Samƀŭt bơh Yôp 9:13

Brah Ndu mâu rgâl tay ôh nau Păng ji nuih. Phung kơl Rahap chon mon tâm dâng jâng Păng da dê.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Êsai 10:14

Ti gâp hŏ sŏk jêh drăp ndơ phung mpôl băl bunuyh Tâm ban ma nhŭp sĭm tâm rsuăn; Gâp hŏ rgum sŏk lĕ drăp ndơ ta neh, Tâm ban ma bu rgum sŏk tăp iăr lĕ me chalơi jêh; Mâu geh bunuyh mpât năr, Hă trôm mbung, mâu lah huăch ôh!’ ”

Êsai 14:5

Brah Yêhôva nkê̆ch lơi jêh mâng jra phung ƀai Jêh ri mâng jra hađăch phung chiă uănh,

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Yêrêmi 25:26

lĕ rngôch hađăch bri mpeh pa lơ, gŭ ngai mâu lah gŭ dăch, lĕ hađăch aơ tât ma hađăch ri; lĕ rngôch ƀon bri hađăch ta klơ neh ntu. Hađăch Sêsăk mra nhêt nglĕ dŭt.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 48:17

Ơ lĕ rngôch bri dak gŭ văr jŭm, nhĭm vơl hom ma păng! Lĕ rngôch phung gĭt amoh păng, Lah hom: ‘Mâng jra nau dơi, Mâng jra ma nau chrêk rmah hŏ pă jêh!’

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Nau Nhĭm Vơl 1:21

Khân păng tăng bâr gâp nter vơl, Ƀiălah mâu geh ôh nơm bonh leng. Lĕ rngôch phung rlăng gâp maak rhơn da dê, Dôl Păng djôt leo nau mhĭk tât ma gâp. Ăn may djôt nar May hŏ mbơh jêh ƀư ăn tât! Gay ma khân păng rêh ni nâm bu gâp.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Habakuk 1:17

Di lĕ khân păng ƀư kloh mro yŭ jal khân păng, Gay mâu rlu ôh nkhĭt lơi phung ƀon lan mâu geh djê̆ ro nau yô̆ nđach?

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.