Êsai 14:31 - Nau Brah Ndu Ngơi 2023

³¹ Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 14:31 ပူးပေါင်းရင်းမြစ်များ

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 16:7

Yor nây, Môap mra nhĭm nhhiăng, Lĕ rngôch bunuyh nhĭm da dê yor ma Môap. Ăn khân may nhĭm hom, rđêng nđor hom Yor ƀănh play krăk ƀâu tă bơh ƀon Kir-Harêset!

Êsai 20:1

Tâm năm hađăch bri Asiri jêng Y-Sargôn njuăl kôranh ma phung tahan hăn tât ta ƀon Asdôt gay rduh lơh jêh ri sŏk ƀon nây,

Êsai 24:12

Tâm ƀon knŏng hôm nau rngol, Mpông ƀon bu mbang chah rai lôch jêh.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 34:16

Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Êsai 45:2

“Gâp yơh mra hăn lor panăp măt may, Ƀư lâng lĕ trong nduh ndăp; Ƀư rai lĕ mpông pêr kông, Nkê̆ch lơi mâng loih nđăng.

Yêrêmi 1:14

Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 47:4

Yorlah nar mra tât Lĕ rngôch phung Philistin bu mra ƀư rai, Lĕ rngôch phung hôm klen gŭ rêh Sâm rklaih ƀon Tyre jêh ri ƀon Sidôn bu ngluh lơi khân păng. Yorlah Brah Yêhôva ƀư rai phung ƀon lan Philistin, Jêng phung hôm klen tă gôl dak mƀŭt Kaptôr.