Êsai 14:29 - Nau Brah Ndu Ngơi 2023

²⁹ “Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 14:29 ပူးပေါင်းရင်းမြစ်များ

II Phung Hađăch 18:8

Păng tâm lơh đah phung Philistin tât ta ƀon Gaxa jêh ri nkual neh jŭm ƀon păng, ntơm bơh ngih tŭm gak tât ma ƀon geh pôih nâp.

II Nau Rêh Jêng 26:6

Păng jă phung tahan hăn tâm lơh đah phung tahan Philistin, jêh ri lơh rlâm lĕ mpêr ƀon Gat, Japnê jêh ri mpêr Asdôt. Hađăch rdâk âk play ƀon tâm neh bri Asdôt jêh ri tâm bri Philistin.

II Nau Rêh Jêng 28:18

Phung Philistin văch rvan đŏng ăp ƀon tâm bri Sêphêla jêh ri Nêgep tâm n'gor Yuđa. Khân păng sŏk pit ƀon Bet-Sêmes, Aijalon, Gêdêrôt, Sôkô nđâp ma ƀon dăch păng, Timna nđâp ma ƀon dăch păng, jêh ri Gimsô nđâp ma ƀon dăch păng; jêh ri khân păng n'ho gŭ tâm ăp ntŭk nây.

Nau Hôr 24:17

Lơi ta răm rhơn ôh lah phung rlăng may prah cha lôt, Dôl păng lĕ bu n'glưh, nuih n'hâm may lơi ta hâk răm,

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 11:8

Kon se hôm pu toh pâl kreh êp trôm bêh rmâng, Kon se lơi jêh pu toh mra mbŭk ti lăp tâm trôm bêh vĭt.

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 2:6

Nanê̆, May hŏ dun jêh phung ƀon lan May jêng ngih Yakôb. Yorlah khân păng bêng ma nau rƀên bơh mpeh Luh Nar, Jêh ri ƀư n'hŭm nâm bu phung Philistin, Khân păng lŏ tâm rnglăp đah phung bu năch mâu chroh.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Yêrêmi 47:1

Aơ jêng nau Yêhôva lah ma nơm mbơh lor Y-Yêrêmi ma phung Philistin, êlor ma Pharaôn tâm lơh đah ƀon Gaxa:

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Êsêkiêl 25:15

Kôranh Brah Yêhôva lah: “Yorlah ƀon lan Philistin ma nau mưch rmot jêh ri nau rlăng jŏ jong hŏ har plơng tâm nau mhĭk ngăn gay nkhĭt n'gor bri Yuđa,

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Êsêkiêl 35:15

Yorlah may hâk răm jêh dôl drăp ndơn ngih Israel lĕ jêng rngol, yor nây Gâp ăt ƀư ma may tâm ban pônây lĕ. Hơi yôk Sêir, may ndrel ma lĕ bri Êđôm, ma nau nây lĕ rngôch n'gor mra jêng rngol, jêh ri khân păng mra gĭt Gâp jêng Brah Yêhôva.”

Ndrom Samƀŭt bơh Ôsê 9:1

Hơi Israel, lơi ta răm rhơn ôh! Lơi maak ir ôh nâm bu phung mpôl băl êng. Yorlah may hŏ ƀư jêh nau ka n'hong, chalơi Brah Ndu may. May ŭch jêh ma nau prăk nkhôm du huê bu ur ka n'hong Ta lĕ rngôch ntŭk mprah ba.

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Apdia 1:12

Di lah, may lơi troh gơm uănh oh nâu may Tâm nar păng geh nau rêh ri; Lơi ta răm maak Ta nar bu ƀư khĭt oh kon Yuđa; Lơi dĭng ngơi hưn Ta nar păng dơn rêh ni.

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Sôphôni 2:4

N'hêl nanê̆ ngăn, bu mra chalơi ƀon Gaxa, Ƀon Askalôn mra jêng ntŭk rngot njăp; Bu mra mprơh ƀon Asdôt luh du ta nklang bôk nar, Jêh ri bu mra rôk lơi ƀon Êkron.

Sôphôni 2:5

Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sakari 9:5

Ƀon Askalôn mra saơ jêh ri klach; Ƀon Gaxa tâm ban lĕ dơn nau rêh ni; Ƀon Êkron tâm ban lĕ, yorlah nau păng kâp gân mra rai. Hađăch ƀon Gaxa mra khĭt, Ƀon Askalôn mâu mra geh ƀon lan gŭ ôh.

Nau Kơp Bunuyh 21:8

Brah Yêhôva lah ma Y-Môis: “Ƀư hom du mlâm bêh ŭnh jêh nây yông păng ta klơ mâng ndăl. Mbu lĕ bêh chôk jêh, n'gơr uănh ma ndơ nây, păng mra dơi rêh.”

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim