Êsai 14:27 - Nau Brah Ndu Ngơi 2023

²⁷ Yorlah Brah Yêhôva ma phung tahan hŏ dăp jêh Mbu nơm chalơi? Ti Păng yơr jêh Mbu nơm dơi rhuăt lơi?

Êsai 14:27 ပူးပေါင်းရင်းမြစ်များ

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

Ndrom Samƀŭt bơh Yôp 11:10

Tơlah Brah Ndu văch, krŭng may Jêh ri njêng ntŭk phat dôih, mbu nơm dơi buay Păng?

Ndrom Samƀŭt bơh Yôp 23:13

Păng nơm hŏ ntrŭnh jêh pôri mbu moh dơi ƀư ăn Păng rgâl nau mĭn? Moh ntil nau Păng hŏ ŭch, Păng mra ƀư ro;

Ndrom Samƀŭt bơh Yôp 40:8

Tâp brôi lơi lĕ rngôch khân păng tâm ndruyh neh King lơi muh măt khân păng tâm ntŭk ndâp.

Ndrom Samƀŭt bơh Yôp 42:2

“Gâp gĭt jêh Kôranh Brah dơi ƀư lĕ ntil nau, Bu mâu dơi buay nau May ŭch ƀư.

Ndrom Samƀŭt bơh Yôp 9:12

Ri, Păng sŏk lơi jêh, mbu nơm geh tay? Mbu nơm dơi ôp păng: ‘Moh ndơ Kôranh Brah ƀư nây?’

Nau Mprơ Ơm 33:11

Brah Yêhôva mĭn ƀư dơi gŭ nâp n'ho ro. Nau Păng mĭn tâm nuih n'hâm hôm e bơh rnôk aơ tât ma rnôk ri.

Nau Hôr 19:21

Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 43:13

Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Yêrêmi 49:20

Pônây iăt hom nau Brah Yêhôva ŭch ƀư hŏ nkra gay phat dôih ma Êđôm jêh ri nau Păng ŭch mĭn hŏ ndâk gay phat dôih ma phung gŭ tâm ƀon Têman: Nđâp ma mpô mpa jê̆ lê̆ tâm phung biăp bu mra têk leo jêh ri ntŭk ndrêch gơ̆ khân păng jêng rngot njăp klach ngăn.

Yêrêmi 51:59

Aơ jêng nau ngơi nơm mbơh lor Y-Yêrêmi ntĭnh ma Y-Sêraya, kon bu klâu Y-Nêria, sau Y-Mahseya, lah păng hăn tât bri Babilôn ndrel ma Y-Sêdêkia, hađăch bri Yuđa, tâm năm rơh puăn păng chiă uănh. Rnôk nây Y-Sêraya jêng kôranh toyh.

Êsêkiêl 26:14

Gâp mra njêng may jêng lŭ chrêk; may mra jêng du ntŭk bu ih nhuăl jêh ri mâu hôm rdâk njêng đŏng ôh, yorlah Gâp jêng Brah Yêhôva hŏ lah jêh.’ Kôranh Brah Yêhôva lah pônây.”

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?