Êsai 14:26 - Nau Brah Ndu Ngơi 2023

²⁶ Nây jêng nau dăp ƀư hŏ tâm nal jêh Ma lĕ rngôch neh ntu; Nĕ jêng nting tur hŏ yơr luh Ta klơ lĕ bri dak.

Êsai 14:26 ပူးပေါင်းရင်းမြစ်များ

Nau Ngluh Êjipt 15:12

May nto jêh ti ma may, Neh hŏ rvăn jêh khân păng.

Nau Hôr 19:21

Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 25:11

Ta ntŭk nây păng mra yơr ti, Tâm ban ma du huê yơr ti dôl re dak. Ƀiălah Brah Yêhôva mra ntrŭnh nau sưr păng, Jêh ƀư rai nau ndơm bơh ti păng.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.