Êsai 14:23 - Nau Brah Ndu Ngơi 2023

²³ “Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 14:23 ပူးပေါင်းရင်းမြစ်များ

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Yêrêmi 50:26

Tă bơh jŭm bri dŭt ngai văch hom tâm lơh đah păng; Pơk lĕ jay prăp ndơ tâm lơh păng, Bun jêng mbŭch, jêh ri ƀư rai hom lĕ rngôch; Lơi ăn klen du ntil ndơ!

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 51:62

Jêh ri lah: ‘Ơ Brah Yêhôva, May hŏ lah jêh May mra ƀư rai ƀon aơ, ntơm bơh kon bunuyh tât ma mpô mpa mâu dơi rêh da dê ôh, jêh ri ntŭk aơ mra jêng rngol ƀaƀơ n'ho ro.’

Sôphôni 2:14

Phung mpa rong mra kuen ta nklang ƀon; Lĕ rngôch ntil phung mpô mpa êng, Nđâp ma klang grât jêh ri blŏ, Gŭ ta ăp chiông meh gâng tâm ban lĕ, Nteh sĭm ndrau huy prot ta mpông bloh, Nau lĕ rngol ta ntŭk mbong mpông, Yorlah ăp ntil ndơ bu ƀư ma tơm si sêdar lĕ rơih lơi.

Nau Tâm Mpơl 14:8

Du huê tông mpăr êng, jêng nơm rơh bar tĭng groi pakơi, lah pô aơ: “Ƀon Babilôn dŭt toyh rlâm rai jêh, rlâm rai jêh! Păng ƀư ăn lĕ rngôch bri dak nhêt ndrănh pâl rlưn rlau keh păng mâu jan tĭng nau vay.”

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.