Êsai 14:22 - Nau Brah Ndu Ngơi 2023

²² Brah Yêhôva ma phung tahan lah: “Gâp mra dâk tâm rdâng ma khân păng. Gâp mra ƀư rai amoh Babilôn jêh ri phung hôm klen, nđâp ma phung kon sau jêh ri phung sau se,” Brah Yêhôva lah pônây.

Êsai 14:22 ပူးပေါင်းရင်းမြစ်များ

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Êsai 13:5

Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”