Êsai 14:20 - Nau Brah Ndu Ngơi 2023

²⁰ May mâu mra dơi tâp ndrel ma phung hađăch tâm môch, Yorlah may hŏ ƀư rai jêh bri may Jêh ri nkhĭt jêh phung ƀon lan. Noi deh phung mhĭk Mra mro mrăng mâu dơi nkah tât ôh.

Êsai 14:20 ပူးပေါင်းရင်းမြစ်များ

II Phung Hađăch 9:35

Ƀiălah dôl khân păng tâp brôi păng, ƀiălah khân păng saơ knŏng hôm nting bôk, bar đah jâng, jêh ri bar mpang ti dơm.

Ndrom Samƀŭt bơh Yôp 18:16

Tâm dâng reh păng kro, Ta klơ n'gĭng păng lĕ klêu jêh.

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Ndrom Samƀŭt bơh Yôp 18:19

Tâm nklang phung ƀon lan păng nơm, păng mâu geh kon sau ôh, Ntŭk păng gŭ mâu geh du huê nuyh hôm gŭ rêh.

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 21:10

Kôranh Brah mra ƀư rai phung kon sau khân păng bơh neh ntu, Jêh ri noi deh khân păng bơh phung kon bunuyh.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nơm Nti 6:3

Tơlah geh du huê bunuyh deh du rhiăng kon sau jêh ri rêh jŏ du rhiăng năm, ƀiălah nuih n'hâm mâu mpay nau ŭch ma nau ueh lăng, jêh ri khĭt mâu lĕ geh tâp, gâp dơi lah du huê kon se jê̆ khĭt nôk mhe deh hôm e geh nau ueh lăng rlau bunuyh nây.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.