Êsai 14:2 - Nau Brah Ndu Ngơi 2023

² Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 14:2 ပူးပေါင်းရင်းမြစ်များ

Êsra 2:65

mâu kơp pơh rbăn pe rhiăng pe jât ma pơh oh mon bu klâu bu ur khân păng jêh ri bar rhiăng nuyh kâp mprơ, bu klâu jêh ri bu ur.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 54:3

Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Êsai 61:5

Phung bu năch mra sâm chiăp biăp be khân may, Phung bu năch mra ƀư lŏ jêh ri tăm đang krăk ƀâu ma khân may.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Yêrêmi 30:16

Yor nây, lĕ rngôch mbu nơm rvăn may bu mra rvăn; Lĕ rngôch phung rlăng may, tâm ăp nơm mra hăn jêng bu nă; Mbu nơm tŭn jot may bu mra tŭn jot, Lĕ rngôch phung tŭn jot may, Gâp mra jao ma nau tŭn jot.’

Yêrêmi 49:2

Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Êsêkiêl 39:10

Khân păng mâu ŭch joi long tâm mir, mâu chôk long tâm krŏng, yorlah khân păng sŏk ndơ tâm lơh prăp sĭnh ŭnh. Khân păng mra tŭn jot phung lĕ tă tŭn jot khân păng jêh ri pit in phung hŏ tă pit in khân păng, Kôranh Brah Yêhôva lah pônây.

Daniel 7:18

Ƀiălah phung kloh ueh Nơm Dŭt Prêh mra sŏk dơn ƀon bri hađăch jêh ri chiă uănh ƀon bri hađăch nây n'ho ro kŏ tât n'ho ro mâu blau lôch ôh.’

Yôel 3:8

Gâp mra jao phung kon bu ur jêh ri phung kon bu klâu khân may ma ti phung ƀon lan Yuđa, jêh ri khân păng mra tăch khân păng ăn ma phung Sabê, ma phung mpôl băl bunuyh gŭ ngai.” Brah Yêhôva lah pônây.

Kan Lêvi 25:44

Lah khân may ŭch geh oh mon bu klâu jêh ri oh mon bu ur, khân may dơi rvăt khân păng bơh phung ƀon lan jŭm khân may.

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Sakari 2:13

Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Sakari 2:9

Yor aơ gâp mra rtuh ti tâm rdâng đah khân păng, gay ma khân păng jêng ndơ sa ma phung pah kan ma khân păng. Nôk nây, khân păng mra gĭt Brah Yêhôva ma phung tahan hŏ njuăl gâp hăn.

Luka 12:45

Ƀiălah tơlah oh mon nây lah tâm nuih n'hâm păng: ‘Kôranh gâp ê hŏ plơ̆ sĭt ro ôh,’ pônây păng ntơm dong mbang oh mon bu klâu, oh mon bu ur, jêh nây sông sa nhêt nhŭl ndrănh.

Samƀŭt Pôl Njuăl Ăn Ma Phung Nsing Ta Ƀon Rôm 15:27

Khân păng maak nuih n'hâm ƀư nau nây, ƀiălah nau di khân păng iang rnon phung nây lĕ; yorlah tơlah phung bu năch sŏk dơn jêh drăp ndơ ma nau rêh huêng, ri mơ ăn khân păng djôt leo drăp ndơ kơl an ma bu đŏng.

II Kôrintô 10:5

rlâm lơi lĕ nau blau ngơi jêh ri ăp ntil nau sưr tâm rdâng đah nau gĭt rbăng Brah Ndu, jêh ri nchâp lĕ rngôch nau mĭn tông ma Brah Krist.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Êphêsô 4:8

Yor ri, geh nau nchih: “Păng hao ntŭk prêh jêh, njŭn leo âk ngăn phung bu nă, jêh ri ăn lĕ nau blau ma kon bunuyh.”

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.