Êsai 14:18 - Nau Brah Ndu Ngơi 2023

¹⁸ Lĕ rngôch hađăch ăp bri lah gŭ bê̆ch, Bu tâp ăp nơm tâm môch khân păng nơm tâm nau bu yơk.

Êsai 14:18 ပူးပေါင်းရင်းမြစ်များ

II Phung Hađăch 9:35

Ƀiălah dôl khân păng tâp brôi păng, ƀiălah khân păng saơ knŏng hôm nting bôk, bar đah jâng, jêh ri bar mpang ti dơm.

II Nau Rêh Jêng 24:16

Khân păng tâp păng tâm ƀon Đavit ndrel ma phung hađăch, yorlah păng ƀư nau ueh tâm n'gor Israel tâm nau pah kan Brah Ndu jêh ri nkra tay ngih brah Păng.

II Nau Rêh Jêng 24:25

Tơlah phung tahan Aram hŏ plơ̆ rŭch jêh, chalơi êng Y-Jôas gŭ păm rmanh jru. Phung oh mon păng tâm nchră ndrel tâm rdâng đah păng yorlah rnon mham kon bu klâu kôranh ƀư brah Y-Jêhôida. Khân păng nkhĭt păng ta klơ sưng bê̆ch. Bu tâp păng tâm ƀon Đavit, ƀiălah mâu di tâm môch ma phung hađăch ôh.

Ndrom Samƀŭt bơh Yôp 3:14

Nđâp phung hađăch jêh ri kôranh tâm nchră ta neh ntu Hŏ ndâk njêng jay ndah ma khân păng nơm,

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nơm Nti 12:5

Bu ăt klach ngăn dôl hao prêh, Jêh ri klach krit dôl hăn rŏ trong. Aƀaơ aơ, tơm si amandê luh kao, Phung krah ndrach nhuat jâk ngăn; Nau kơnh mâu hôm geh ôh, Yorlah aƀaơ aơ kon bunuyh hăn tât ngih păng gŭ n'ho ro, Bi phung ndrê klâng hăn ndăch jŭm lĕ trong ƀon toyh.

Nơm Nti 6:3

Tơlah geh du huê bunuyh deh du rhiăng kon sau jêh ri rêh jŏ du rhiăng năm, ƀiălah nuih n'hâm mâu mpay nau ŭch ma nau ueh lăng, jêh ri khĭt mâu lĕ geh tâp, gâp dơi lah du huê kon se jê̆ khĭt nôk mhe deh hôm e geh nau ueh lăng rlau bunuyh nây.

Êsai 14:17

Ƀư ma neh ntu plơ̆ jêng bri rdah, Rlă nkhŭt lĕ ƀon Jêh ri mâu pơk mpông ndrung ma phung bu krŭng ta ndrung ƀơh?”

Êsai 14:19

Ƀiălah bu mƀăr may padih môch, Tâm ban ma n'gĭng nse ƀơ̆ ƀơch, Tâm ban ma ao phung bu nkhĭt, ntâp ma đao, Bu nklơ̆ tŭp ta lĕ glo lŭ tâm dâng ntu, Tâm ban ma du săk jăn khĭt bu jot plên tâm dâng jâng!

Êsai 22:16

‘Moh nau kan may dôl ƀư ta aơ? May geh ndŭl mpôl deh đŏng ta aơ kŏ may kuyh jêh ma may nơm du trôm môch ta aơ? Ngăn, may kuyh ma may nơm du trôm môch ta ntŭk prêh, lôk du ntŭk gŭ rlu ma may nơm tâm trôm lŭ!