Êsai 14:13 - Nau Brah Ndu Ngơi 2023

¹³ May nơm lah jêh tâm nuih n'hâm pô aơ: “Gâp mra hao ta klơ trôk, Gâp mra n'hao sưng hađăch gâp Prêh lơn ma lĕ mănh mbing Brah Ndu. Gâp mra gŭ ta klơ yôk nau tâm rƀŭn Âk ngai tât ma mpeh pa lơ

Êsai 14:13 ပူးပေါင်းရင်းမြစ်များ

Ndrom Samƀŭt bơh Yôp 20:6

Nđâp lah nau sưr păng prêh kŏ tât klơ trôk, Bôk păng tom tât ta tŭk,

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Êsêkiêl 27:3

Lah hom ma ƀon Tyre: ‘May jêng ƀon gŭ ta mbŏng dak mƀŭt, tăch rgâl đah phung ƀon lan ta âk ntŭk gôl dak mƀŭt,’ Kôranh Brah Yêhôva lah: Hơi ƀon Tyre, may lah jêh: ‘Gâp jêng nau ueh rah vah ngăn.’

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 31:10

Yor nây, Kôranh Brah Yêhôva lah: ‘Yorlah păng toyh prêh, chiông păng prêh kŏ ban tŭk jêh ri nuih n'hâm păng sưr rlau yor nau păng toyh prêh nây,

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Apdia 1:3

Nau sưr tă bơh nuih n'hâm may hŏ ndơm may nơm. May jêng nơm gŭ tâm trôm lŭ, Gŭ rêh tâm ntŭk prêh; May lah êng tâm nuih n'hâm may pô aơ: ‘Mbu dơi nklơ̆ gâp tŭp ta neh?’

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Mathay 11:23

Bi may, ƀon Kapernum, bu n'hao jêh may tât ta klơ trôk? Mâu, may mra ntrŭnh tâm dâng tât ta ƀon phung khĭt. Yorlah nau mbên khlay ƀư jêh ta nklang may, tơlah nau nây dơi ƀư ta ƀon Sôdôm ƀon nây ăt hôm tât ta nar aơ.

Luka 10:15

Bi may, ƀon Kapernum, bu n'hao jêh may tât klơ trôk? Mâu, may mra ntrŭnh tâm dâng tât ta ƀon phung khĭt!

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.