Êsai 13:6 - Nau Brah Ndu Ngơi 2023

⁶ Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:6 ပူးပေါင်းရင်းမြစ်များ

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Êsai 10:25

Yorlah hôm knŏng ƀât lât đŏng, phat dôih tâm rmal mra lôch; jêh ri nau Gâp ji nuih mra rle mpeh khân păng gay ƀư rai khân păng.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 23:1

Nau mbơh lor ma Tyre: Ơ kumpăn Tarsis, nhĭm nhhiăng hom, Yorlah ƀon Tyre rai jêh, Mâu hôm geh ngih, mâu lĕ hôm geh trong mŭt! Tă bơh n'gor Kitim, khân păng hŏ gĭt nau nây.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 47:11

Yor nây, nau djơh mhĭk mra tât ndal ma ay Ƀiălah ay mâu gĭt ôh tă păng văch; Nau rêh ni mra tŭp ta ay, Ƀiălah ay mâu dơi king ôh; Nau ƀư rai mra tât ma ay ƀât lât dơm, Ƀiălah ay mâu năn gĭt ôh.

Êsai 52:5

Brah Yêhôva lah: “Aƀaơ aơ, moh Gâp ƀư? Yorlah phung ƀon lan Gâp hŏ jêng bu nă mâu geh kô̆ mâu geh nau.” Brah Yêhôva lah: “Phung kôranh chiă uănh khân păng nter nđêng, jêh ri bu ngơi sưr ma amoh Gâp, nar aơ tât nar ƀaƀă.

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Êsai 65:14

Aơ, phung oh mon Gâp mra mprơ yor nuih n'hâm maak, Bi khân may mra nter vơl yor nuih n'hâm bêng ma nau rngot, Jêh ri mra nhĭm nhhiăng yor huêng khân may rai yot.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 49:3

“Ơ ƀon Hêsbôn, nhĭm nhhiăng hom yor ma ƀon Ahi hŏ rai jêh! Hơi kon bu ur Raba, nhĭm vơl hom. Nsoh hom ao ƀau sat, Nchuăt nsong dâng lơ tâm nklang pêr nhĭm nhhiăng! Yorlah brah Malkôm bu mra mprơh hăn ƀư bu nă Ndrel ma phung kôranh ƀư brah jêh ri phung kôranh păng luh du bơh n'gor.

Yêrêmi 51:8

Ƀât lât, ƀon Babilôn lĕ tŭp jêh ri nchah rai jêh, Nhĭm vơl hom ma păng! Sŏk hom dak si ƀâu kah mhĭng ta sôt rmanh păng; Gĭt lah păng dơi bah?

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 21:12

Tơlah khân păng lah ma may: ‘Mâm ƀư may lŭng nter?’ Pôri may plơ̆ lah pô aơ: ‘Yorlah mbơh tât lam ntŭk ƀư ma lĕ nuih n'hâm rung răng da dê, lĕ rngôch ti mâu geh n'hâm suan, lĕ rngôch nau mĭn huăr rgănh, lĕ rngôch kômâk ra ai nâm bu dak. Aơ, nau nây dăch geh tât mra jêng nau ngăn, Kôranh Brah Yêhôva lah pônây!’”

Daniel 5:26

Aơ nau rblang rplay samƀŭt nây: Mênê jêng: Brah Ndu hŏ kơp jêh ri lôch mrô nar hađăch;

Daniel 5:9

Hađăch Belsasar rŭng răng ngăn, muh măt păng êr lơn, jêh ri phung kôranh păng mâu gĭt moh ƀư.

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 1:5

Hơi phung nhŭl ndrănh, kah rngăl hom jêh ri nhĭm nhhiăng! Hơi lĕ rngôch phung vay nhêt ndrănh, nhĭm nhhiăng hom, Yorlah ndrănh njŭng lĕ bu sŏk jêh tă bơh trôm mbung khân may!

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Sôphôni 1:14

“Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Sakari 14:1

Aơ, nar Brah Yêhôva dăch tât, nôk bu mra tâm pă lĕ rngôch ndơ pit sŏk bơh may ta nklang may.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”