Êsai 13:21 - Nau Brah Ndu Ngơi 2023

²¹ Ƀiălah mpa bri janh tâm bri rdah mra lâng bê̆ch ta nây, Ngih vâl nây bêng ma klang kô; Sĭm ôtrus mra gŭ ta nây, Jêh ri be bri mra pâl rlưn ta nây.

Êsai 13:21 ပူးပေါင်းရင်းမြစ်များ

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Êsai 25:2

Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Yêrêmi 50:39

Yor nây, tâm ƀon Babilôn mpô mpa bri rdah gŭ ndrel ma so bri, sĭm ôtrus ăt tât gŭ ndrel ta nây; mâu mra geh ƀon lan tât gŭ đŏng ôh, ntơm bơh rô̆ aơ tât rô̆ kăndơ̆ mâu mra geh bunuyh gŭ ôh ta nây.”

Kan Lêvi 11:16

sĭm ôtrus, klang kô, sĭm tê văch, lĕ rngôch klang pah,

Mika 1:8

Yor nau nây, gâp mra nhĭm nhhiăng jêh ri nter vơl, Doh săk hưl jêh ri hăn jâng dơm; Gâp mra kuăl lŭng nter nâm bu so bri Jêh ri rđêng nđor nâm bu sĭm ôtrus.

Sôphôni 2:14

Phung mpa rong mra kuen ta nklang ƀon; Lĕ rngôch ntil phung mpô mpa êng, Nđâp ma klang grât jêh ri blŏ, Gŭ ta ăp chiông meh gâng tâm ban lĕ, Nteh sĭm ndrau huy prot ta mpông bloh, Nau lĕ rngol ta ntŭk mbong mpông, Yorlah ăp ntil ndơ bu ƀư ma tơm si sêdar lĕ rơih lơi.

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.