Êsai 13:20 - Nau Brah Ndu Ngơi 2023

²⁰ Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 13:20 ပူးပေါင်းရင်းမြစ်များ

II Nau Rêh Jêng 17:11

Phung Philistin djôt leo ndơ jêh ri prăk nhhơr ma Y-Jôsaphat; phung Arabi leo đŏng ma păng lĕ mpôl mpô mpa rong geh pơh rbăn pơh rhiăng mlâm biăp nkuăng jêh ri pơh rbăn pơh rhiăng mlâm be nkuăng.

Ndrom Samƀŭt bơh Yôp 3:7

Nanê̆, măng nây jêng măng mâu deh nse, Mâu mâp tăng bâr troh maak!

Nau Mprơ Ueh 1:7

Hơi nơm gâp rŏng ma nuih n'hâm gâp, Dăn ăn gâp gĭt ta ntŭk may chiăp biăp, Ta ntŭk may ăn khân păng rlu nar nklang bôk; Moh yor gâp jêng nâm bu du huê bu ur nkŭm măt Kêng phung biăp phung băl may?

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 25:2

Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Yêrêmi 49:33

“Ƀon bri hađăch Hasôr mra jêng trôm so bri, Jêng ntŭk rngot njăp mro mrăng, Mâu hôm geh bunuyh gŭ ta nây đŏng ôh; Kŏ mâu geh lĕ du huê bunuyh tât gŭ njưh ta nây!”

Yêrêmi 50:13

Yor nau Brah Yêhôva ji nuih, mâu mra geh ôh bunuyh tât gŭ ta ntŭk păng, Lĕ rngôch jêng rngot njăp da dê; Mbu moh hăn rgăn ma bri Babilôn hih rhâl da dê Jêh ri gơm mưch ma nau sôt rmanh păng.

Yêrêmi 50:21

“N'hoch hom tât bri Mêrathaim, Jêh ri văch lơh păng; Rduh lơh hom ma phung gŭ tâm bri Pêkôt. Nkhĭt jêh ri ƀư rai kŏ tât ma bunuyh nglĕ dŭt; Ƀư ăn di tĭng ăp ntil nau Gâp hŏ ntĭnh jêh ma may.” Brah Yêhôva lah pônây.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 50:39

Yor nây, tâm ƀon Babilôn mpô mpa bri rdah gŭ ndrel ma so bri, sĭm ôtrus ăt tât gŭ ndrel ta nây; mâu mra geh ƀon lan tât gŭ đŏng ôh, ntơm bơh rô̆ aơ tât rô̆ kăndơ̆ mâu mra geh bunuyh gŭ ôh ta nây.”

Yêrêmi 50:45

Pônây iăt hom nau Brah Yêhôva ŭch ƀư hŏ nkra gay phat dôih ma ƀon Babilôn jêh ri nau păng ŭch mĭn hŏ ndâk gay phat dôih ma phung Kaldê: Nđâp ma mpô mpa jê̆ lê̆ tâm phung biăp bu mra têk leo, ntŭk ndrêch gơ̆ khân păng jêng rngot njăp klach ngăn.

Yêrêmi 51:25

Brah Yêhôva lah: “Aơ, ơ yôk ƀư rai, Gâp tâm rdâng đah may, Nơm ƀư rai lĕ neh ntu! Gâp mra yơr ti ƀư mhĭk ma may, Mra rlă may tă bơh lĕ pŭng yôk, Ƀư ăn may jêng yôk ŭnh sa jêh.

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Yêrêmi 51:37

Ƀon Babilôn mra jêng du mbŭch ndơ djơh rai, Jêng trôm so bri, Jêng ntŭk ƀơ̆ ƀơch jêh ri ndơ gơm ma lĕ rngôch bunuyh, Mâu geh bunuyh gŭ ôh.

Yêrêmi 51:43

Lĕ ƀon păng hŏ jêng nau klach krit ngăn, Jêng du n'gor bri sơh, bri rdah, N'gor bri mâu geh bunuyh gŭ ôh, Mâu geh du huê bunuyh prot rgăn.