Êsai 13:18 - Nau Brah Ndu Ngơi 2023

¹⁸ Na khân păng mra pănh nchah phung bu klâu ndăm; Khân păng mâu yô̆ nđach ôh ma phung kon jê̆ tâm ndŭl mê̆; Măt khân păng mâu mra nhhuach ma phung kon se ôh.

Êsai 13:18 ပူးပေါင်းရင်းမြစ်များ

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Nau Mprơ Ơm 127:3

Aơ, phung kon jêng drăp ndơn bơh Brah Yêhôva; Kao play bơh ndŭl proch jêng nau nkhôm.

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 47:9

Tâm ƀât lât, tâm du nar, Bar ntil nau tât aơ mra tât ma ay jêng nau roh phung kon jêh ri nau bu ur ndrô sai Mra tât ma ay. Bar ntil nau tât aơ mra tât ndal ma ay, Nđâp tơlah ay jêng n'hŭm njêh, Jêh ri geh nau brah toyh blau rƀên kđôi lĕ.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 5:16

Dĭng Kăm hăr khân păng nâm bu môch blang pơk lĕ; Lĕ rngôch khân păng jêng phung tahan ktang da dê.

Yêrêmi 50:30

Yor nây, tâm nar nây, phung bu klâu ndăm păng mra cha lôt tâm nkual toyh; lĕ rngôch phung tahan păng mra gŭ rklăk.” Brah Yêhôva lah pônây.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 51:22

Gâp mra dŏng may ƀư rai bu klâu jêh bu ur, Bunuyh ranh jêh ri bunuyh mom. Gâp mra dŏng may ƀư rai phung bu klâu ndăm jêh ri bu ur druh.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Nahum 2:1

Nơm ƀư rai văch jêh tâm rdâng đah may. Gay ma n'gang nâp pôih, Gak njrăng hom ta trong; Vân hom rse bŭt ăn ueh Jêh ri ndrăp nâp phung tahan!

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.