Êsai 13:14 - Nau Brah Ndu Ngơi 2023

¹⁴ Rnôk nây, tâm ban ma du mlâm njoih bu tĭng nhŭp, Tâm ban ma phung biăp mâu geh nơm chiăp, Ăp nơm mra sĭt ma phung ƀon lan păng nơm, Jêh ri ăp nơm mra du sĭt ta bri păng nơm.

Êsai 13:14 ပူးပေါင်းရင်းမြစ်များ

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

I Phung Hađăch 22:36

Nôk nar nhâp, geh nau mbơh lam pôih tahan pô aơ: “Ăp nơm plơ̆ sĭt hom ma ƀon jêh ri n'gor păng nơm.”

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsai 21:15

Yorlah khân păng nchuăt du gây ma klaih bơh mpiăt đao, Nchuăt du bơh đao bu tŏk jêh, Nchuăt du bơh na bu van jêh, Jêh ri nchuăt du bơh nau tâm lơh ktang ngăn.

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 50:16

Ƀư ngroh lơi nơm srih ntil tă bơh Babilôn Jêh ri nơm djôt nhuĕ tâm yan rek. Yorlah klach mpiăt đao ma nơm tŭn jot Yor nây ăp nơm mra plơ̆ sĭt ndrel ma ndŭl mpôl păng nơm, Jêh ri nchuăt du ma ƀon tơm păng nơm.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Nahum 3:18

Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.

Mathay 9:36

Tơlah saơ phung âk râk, Păng geh nau yô̆ nđach yorlah khân păng rêh ni jêh ri nchah rai nhhơt nâm bu phung biăp mâu geh bunuyh rmăk.

Markôs 6:34

Tơlah luh bơh plŭng, Brah Yêsu saơ phung bunuyh âk pôri Păng yô̆ nđach ma khân păng, yorlah khân păng nâm bu phung biăp mâu geh bunuyh rmăk biăp. Păng ntơm ntĭm nti âk ntil ma khân păng.

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.