Êsai 13:13 - Nau Brah Ndu Ngơi 2023

¹³ Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 13:13 ပူးပေါင်းရင်းမြစ်များ

Ndrom Samƀŭt bơh Yôp 9:6

Păng ƀư mbon neh n'găr mpât, Jêh ri lĕ meh păng n'goh n'gơ;

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 88:16

Nau May ji nuih jot mbet ta gâp, May djôt nau klach krit tât gay ma ƀư rai gâp.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 24:19

Neh ntu bu mbang rai, Neh ntu hêk âk rngơl, Neh ntu n'gơ ktang ngăn.

Êsai 34:4

Lĕ rngôch phung mănh mbing tâm trôk mra rai lơi, Lĕ ndâr trôk mra klôn tay tâm ban ma klôt ndrom samƀŭt; Lĕ rngôch phung mănh mbing mra rai lĕ Tâm ban ma n'ha krăk ƀâu kro tŭp rŭng, Tâm ban ma n'ha rvi kro tŭp rŭng bơh tơm rvi.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Yêrêmi 51:1

Brah Yêhôva lah: “Aơ Gâp mra ƀư du sial ƀư rai, Hao ƀư rai đah Babilôn, Jêh ri phung ƀon lan gŭ tâm bri Kaldê.

Nau Nhĭm Vơl 1:12

“Hơi lĕ rngôch mbu nơm hăn rgăn ta aơ! khân may mâu meng ôh hĕ? Văch hom jêh ri uănh! Geh đŏng nau rngot dơi rđĭl Đah nau rngot Brah Yêhôva jŭr jêh ta klơ gâp, Păng hŏ tâm rmal jêh gâp Tâm nar Păng ji nuih ngăn hĕ?

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.