Êsai 13:11 - Nau Brah Ndu Ngơi 2023

¹¹ Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 13:11 ပူးပေါင်းရင်းမြစ်များ

Ndrom Samƀŭt bơh Yôp 40:12

Chiăng păng tâm ban tơm si sêdar; Suan nglu păng tâm ƀăr tâm lăp ndrel.

Nau Hôr 11:31

Tơlah bunuyh sŏng srăng dơi mplơ̆ sĭt ta neh ntu aơ, Pôri nơm djơh mhĭk jêh ri nau tih mra mplơ̆ sĭt tanăp măt!

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 14:21

Yor nau kue mbơ̆ chô khân păng, Nkra hom du ntŭk tâm nkhĭt ma phung kon sau khân păng; Klach lah khân păng plơ̆ dâk jêh ri sŏk pit neh, Jêh ri ndâk ƀon toyh khân păng lam klơ neh ntu!

Êsai 14:5

Brah Yêhôva nkê̆ch lơi jêh mâng jra phung ƀai Jêh ri mâng jra hađăch phung chiă uănh,

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 22:14

Brah Yêhôva ma phung tahan Nơm yơh hŏ mpơl nau ngơi aơ ma tôr gâp: “Nanê̆ ngăn nau tih aơ bu mâu mra yô̆ an kŏ tât khân may khĭt.” Kôranh Brah jêng Brah Yêhôva ma phung tahan lah jêh.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 25:3

Yor nây, du phung ƀon lan ktang mra tâm rnê May; Ƀon ma lĕ bri dak janh ƀai mra klach yơk ma May.

Êsai 25:5

May ƀư ma nau rsĭk tâm phung bu năch gŭ rklăk, Tâm ban ma nau duh hŭnh tâm neh sơh. Jêh ri ƀư rklăk bâr mprơ phung janh ktang. Tâm ban ma nau duh du roh lah geh n'hâm tŭk.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 29:20

Yorlah nơm janh ƀai mâu hôm ôh, Nơm dăng mưch mra roh, Jêh ri lĕ rngôch phung kâp ƀư nau mhĭk bu mra ƀư rai lơi.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 5:15

Lĕ ntil mpôl bunuyh kŭnh bôk da dê, lĕ rngôch bunuyh mâu hôm geh nau khlay; Măt phung sưr rlau bu n'glưh lơi.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 48:29

He tăng jêh nau sưr ma bri Môap — Păng sưr rlau hâu ngăn — Ma nau mĭn klơ ir, nau sưr, dăng mưch, Jêh ri nuih n'hâm sưr n'hao êng păng nơm.”

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.