Êsai 11:16 - Nau Brah Ndu Ngơi 2023

¹⁶ Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 11:16 ပူးပေါင်းရင်းမြစ်များ

Nau Ngluh Êjipt 14:22

Phung ƀon lan Israel hăn klơ neh sơh gay rgăn dak mƀŭt; bi dak jêng nâm bu pêr pa ma jêh ri pa chiau khân păng.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 19:23

Tâm nar nây, mra geh du trong toyh bơh bri Êjipt tât ta bri Asiri; phung Asiri mra hăn ta bri Êjipt, jêh ri phung Êjipt hăn ta bri Asiri. Phung Êjipt ndrel phung Asiri mra hăn yơk mbah Brah Yêhôva.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 49:11

Gâp mra ăn lĕ rngôch yôk Gâp plơ̆ jêng trong hăn, Jêh ri lĕ trong toyh Gâp bu mra dơi ƀư n'hao.

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.