Êsai 11:15 - Nau Brah Ndu Ngơi 2023

¹⁵ Brah Yêhôva mra ƀư suăt kro dak mƀŭt bri Êjipt; Rtuh ti ta klơ Dak Krong Me ma sial duh, Păng pă dak krong nây jêng pơh dak n'hor, Jêh ri ƀư ăn bunuyh dơi hăn rgăn ma jâng mâu bĕ ntâu jot.

Êsai 11:15 ပူးပေါင်းရင်းမြစ်များ

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 14:22

Phung ƀon lan Israel hăn klơ neh sơh gay rgăn dak mƀŭt; bi dak jêng nâm bu pêr pa ma jêh ri pa chiau khân păng.

Nau Ngluh Êjipt 14:29

Bi phung ƀon lan Israel rgăn dak mƀŭt nâm bu hăn ta neh sơh, dak jêng pêr pa ma jêh ri pa chiau khân păng.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 43:16

Brah Yêhôva, Nơm hŏ pơk trong tâm dak mƀŭt, Jêh ri ntĭm ndô̆ rgăn tâm n'hor dak dăng;

Êsai 44:27

Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Êsai 8:7

yor nây, Kôranh Brah mra ƀư ăn dak bơh Dak Krong Me hoch thăng ta khân păng, nâm bu ntĭt hađăch bri Asiri ndrel ma lĕ rngôch nau chrêk rmah păng. N'hong dak aơ mra hao ler bêng n'hong jêh ri lip lĕ rngôch kơh,

Êsêkiêl 29:10

‘Yor nây, aơ, Gâp tâm rdâng đah may jêh ri đah lĕ dak krong may. Gâp mra ăn n'gor bri Êjipt jêng nâm bu bri rdah jêng rngol, ntŭk nsoih ntơm bơh Mikdôl tât ma Syene jêh ri kŏ tât ta n'har neh n'gor bri Êthiôpi.

Êsêkiêl 30:12

Gâp mra ƀư suăt lơi dak krong Nil, Jêh ri tăch lơi bri dak nây tâm ti phung djơh. Gâp mra ăn ti phung bu năch Ƀư rai bri dak nây jêh ri nđâp ma lĕ rngôch ntil ndơ tâm nây. Gâp jêng Brah Yêhôva hŏ lah jêh.’

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.