Êsai 11:14 - Nau Brah Ndu Ngơi 2023

¹⁴ Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 11:14 ပူးပေါင်းရင်းမြစ်များ

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 15:1

Nau mbơh lor ma Môap: Tâm du măng, A Môap bu lơh jêh ri roh rai! Tâm du măng, Kir-Môap bu ƀư rai jêh ri roh rai lôch!

Êsai 16:14

Ƀiălah aƀaơ, Brah Yêhôva lah pô aơ: “Tâm pe năm đŏng, tĭng nau kơp bunuyh kan nkhôm, nau chrêk rmah Môap jêh ri phung bunuyh âk râk păng mra plăch jêng ndơ bu mưch rmot; phung hôm klen mra jêng djê̆ ngăn jêh ri rdja.”

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Yêrêmi 40:11

Tâm ban pônây, lĕ rngôch phung Yuđa dôl gŭ tâm bri Môap jêh ri ta nklang phung kon sau Ammôn, tâm ntŭk bri Êđôm jêh ri tâm bri êng tăng hađăch Babilôn hŏ om du phung hôm gŭ tay tâm n'gor bri Yuđa, jêh ri hŏ ndâk jêh Y-Gêdalia, kon bu klâu Y-Ahikam, sau Y-Saphan, jêng kôranh mât uănh,

Yêrêmi 48:40

Brah Yêhôva lah: “Aơ, phung rlăng Môap Gâp nter vơl seng nâm bu klang ƀŭng, Lĭ nting năr nkŭm lam bri Môap.

Yêrêmi 49:2

Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Yêrêmi 49:22

Aơ, nơm rlăng mpăr prêh jêh ri mpăr nâm bu klang, lĭ nting năr nkŭm lam ta ƀon Bôsra. Tâm nar nây, nuih n'hâm phung tahan tâm bri Êđôm mra jêng nâm bu nuih n'hâm du huê bu ur veng deh.

Yêrêmi 49:28

Ma phung Kêdar jêh ri ƀon bri hađăch Hasôr jêng Y-Nêbukatnetsar hađăch Babilôn hŏ lơh jêh, Brah Yêhôva lah kơt aơ: “Dâk hom rduh lơh ma phung Kêdar, Ƀư rai lơi phung ndŭl mpôl mpeh pa luh nar.

Êsêkiêl 25:14

Gâp mra dŏng ti phung ƀon lan Israel gay plơng har ma Êđôm jêh ri khân păng mra ƀư ma phung ƀon lan Êđôm tĭng nâm nau ji nuih jêh ri nau Gâp nuih ngăn. Rnôk nây, khân păng mra gĭt mâm nau Gâp plơng har, Kôranh Brah Yêhôva lah pônây.’”

Daniel 11:41

Păng mra lăp tâm ban lĕ tâm n'gor bri chrêk rmah. Geh âk rbăn bunuyh mra cha lôt khĭt, ƀiălah phung ƀon lan Êđôm, phung Môap jêh ri du phung gĭt blau tâm ƀon lan n'gor Ammôn mra klaih bơh ti hađăch nây.

Yôel 3:19

N'gor Êjipt mra plơ̆ jêng rngol, Êđôm mra jêng bri rdah lĕ rai; Yorlah khân păng ƀư nau ƀai ma phung ƀon lan Yuđa Jêh ri khân păng ƀư pling mham mâu geh tih ôh tâm bri khân păng.

Amôt 9:12

Gay ma khân păng pit in lơi phung hôm klen tâm Êđôm Jêh ri lĕ rngôch bri dak dơi kuăl tâm amoh Gâp.” Brah Yêhôva lah; Păng yơh mra ƀư lôch lĕ ntil nau aơ.

Habakuk 1:8

Seh hăn tâm lơh khân păng prăl rlau lơn phung yau brăch, Jêh ri janh ngăn rlau so bri dôl bri măng. Phung tahan ncho seh khân păng nchuăt ngăch ngăn văch tă bơh bri ngai; Khân păng mpăr ngăch nâm bu klang jŭr kăp mpa sa.

Sôphôni 2:5

Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Nau Kơp Bunuyh 24:17

Gâp saơ Păng, ƀiălah mâu di aƀaơ ôh; Gâp uănh Păng, ƀiălah mâu di gŭ dăch ôh; Du mănh mbing mra luh bơh phung Yakôb, Du mlâm mâng jra hađăch mra luh bơh phung Israel; Păng mra ƀư rlâm lơi rho ndăr kleng n'gor Môap Jêh ri đon hađăch tă bơh noi deh Set.

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Phung Kôranh Phat Dôih 6:3

Ăp tơ̆ phung Israel srih ntil, phung Madian, phung Amalek, jêh ri phung mpeh Luh Nar hăn hao rduh lơh phung Israel.