Êsai 11:10 - Nau Brah Ndu Ngơi 2023

¹⁰ Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 11:10 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

I Nau Rêh Jêng 2:12

Y-Bôas jêng mbơ̆ Y-Ôbet, Y-Ôbet jêng mbơ̆ Y-Yêsê.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 145:11

Khân păng mra ngơi ma nau chrêk rmah ƀon bri hađăch May, Nkoch tay nau brah May,

Nau Mprơ Ơm 149:5

Ăn phung kloh ueh Păng maak tâm nau chrêk rmah, Ăn khân păng mprơ maak ta sưng bê̆ch khân păng!

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Mprơ Ơm 91:4

Păng mra sŏk rsau Păng king n'gang may Jêh ri may mra du krap tâm dâng năr Păng; Nau răp jăp Păng jêng khêl toyh jêh ri khêl jê̆ may.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 28:12

Păng hŏ lah jêh đah khân păng: “Aơ jêng ntŭk rlu, Ăn hom nơm rgănh dơi rlu; Aơ jêng ntŭk đăp mpăn.” Ƀiălah khân păng mâu ŭch iăt ôh.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 60:5

Rnôk nây, may mra saơ jêh ri chrat ang, Nuih n'hâm may ƀă klach ƀă pơk huy; Yorlah nau rmeh ler bơh dak mƀŭt bu mra njŭn ma may, Drăp ndơ phung ndrŏng bơh lĕ bri dak mra văch ma may.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Mathay 12:21

Jêh ri phung padih mra kâp gân tâm amoh Păng.”

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Yôhan 12:32

Bi ma Gâp, lah bu yông Gâp klơ neh aơ, Gâp mra leo lĕ rngôch bunuyh văch ta Gâp da dê.”

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 28:28

Pôri, ăn khân may gĭt nau Brah Ndu tâm rklaih hŏ mbơh nkoch jêh ma phung bu năch jêh ri khân păng mra gŭ iăt.”

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”

Nau Tâm Mpơl 5:5

Ƀiălah du huê tâm phung kôranh bu ranh lah ma gâp: “Lơi ta nhĭm, ri, Yau mŭr tă bơh ndŭl mpôl Yuđa, phung kon sau Y-Đavit, dơi jêh rĭ dĭng dơi pơk ndrom samƀŭt jêh ri doh lơi ndơ pơh tâp pŏng.”