Êsai 10:34 - Nau Brah Ndu Ngơi 2023

³⁴ Păng mra kăl si pŭm toyh tâm krŏng ma sung, Jêh ri bri Liban mra cha lôt tanăp Nơm Geh Nau Brah.

Êsai 10:34 ပူးပေါင်းရင်းမြစ်များ

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Êsai 10:18

Bi ma nau ueh bri krŏng jêh ri mir tơm play hađăch nây, Păng mra ƀư rai lĕ rngôch, nđâp ma huêng jêh ri săk jăn, Tâm ban ma bunuyh mâu hôm geh suan hăn ndĭt ndĭu.

Êsai 2:13

Păng tâm rdâng đŏng ma lĕ rngôch tơm si sêdar bri Liban Nau sưr, hao jêng, Jêh ri ma lĕ rngôch tơm si guyh ta bri Basan,

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 48:2

Nau chrêk rmah ma bri Môap mâu hôm geh đŏng ôh; Tâm ƀon Hêsbôn, bu nchră ƀư mhĭk ma păng: ‘Văch hom, ăn he ngroh lơi Môap bơh ma lĕ bri dak!’ Ơ Matmen, may mra gŭ rklăk; Tak đao mra tĭng groi may.

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Daniel 4:23

Kêng nây, hađăch saơ du huê nơm gak, jêng nơm kloh ueh jŭr tă bơh trôk jêh ri lah: ‘Kăl lơi tơm si jêh ri ƀư rai lơi păng, ƀiălah cha lat tơm reh păng tâm neh, jêh nây sŏk du mlâm rse rvăk loih jêh ri kông kât ta nklang gơ̆ nđĭr tâm mir, ăn păng bĕ ma dak ngom bơh trôk jêh ri tâm pă đah lĕ mpô mpa bri, kŏ tât tâm pơh gưl yan rgăn ta păng.’

Nahum 1:12

Ƀiălah Brah Yêhôva lah: “Nđâp lah khân păng geh nau tâm rnglăp ndrel âk kđôi lĕ, Bu mra ƀư rai jêh ri ăn roh khân păng. Hơi phung ƀon lan Gâp, nđâp lah Gâp hŏ ƀư nkrit jêh khân may, Gâp mâu mra ƀư nkrit khân may đŏng ôh.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

II Pêtrôs 2:11

tâm nôk phung tông mpăr, nđâp lah geh nau ktang jêh ri nau brah lơn, mâu đŏng geh nau ngơi djơh gay phong ma phung toyh nĕ tanăp Kôranh Brah.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.