Êsai 10:26 - Nau Brah Ndu Ngơi 2023

²⁶ Brah Yêhôva ma phung tahan mra rpăt mâng ta khân păng, nâm bu hŏ lơh jêh phung Madian ta lŭ Ôrep; Păng mra yơr mâng ta klơ dak mƀŭt tâm ban ma Păng hŏ ƀư jêh ta Êjipt.

Êsai 10:26 ပူးပေါင်းရင်းမြစ်များ

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

Nau Mprơ Ơm 35:23

Ơ Brah Ndu jêng Kôranh Brah gâp! Dăn kah rngăl jêh ri dâk hom gay ma koh dŏng gâp.

Nau Mprơ Ơm 83:11

Ƀư hom ma phung ndrŏng khân păng nâm bu ma Ôrep jêh ri ma Sêep. Jêh ri lĕ rngôch kôranh toyh khân păng nâm bu ma Sêbah jêh ri ma Salmuna,

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Êsai 10:24

Yor nây, Kôranh Brah jêng Brah Yêhôva ma phung tahan lah tâm ban pônây: “Ơ phung ƀon lan Gâp dôl gŭ ta Siôn, lơi klach ôh ma phung Asiri lah khân păng dong khân may ma mâng rpăt jêh ri yơr mâng khân păng tâm rdâng đah khân may, tâm ban ma phung Êjipt hŏ ƀư jêh.

Êsai 11:16

Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 30:31

Asiri mra klach krit yor bâr Brah Yêhôva. Păng mra dong Asiri ma mâng rvĕ.

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Êsai 9:4

Lĕ rngôch ndrom jâng phung tahan soh tâm nôk tâm lơh, Jêh ri kho ao mprănh mham Bu mra prăp ma ndơ ăn ŭnh sa da dê.

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Phung Kôranh Phat Dôih 7:25

Khân păng ăt nhŭp bar hê kôranh chiă uănh phung Madian jêng Y-Ôrep jêh ri Y-Sêep. Khân păng nkhĭt Y-Ôrep ta klêr lŭ Ôrep, jêh ri khân păng khĭt Y-Sêep ta ntŭk păt ndrănh Sêep. Khân păng hăn tĭng đŏng phung Madian, djôt leo bôk Y-Ôrep jêh ri Y-Sêep tât ma Y-Gidêôn ta mpeh kơh tê̆ dak krong Yurdan.