Êsai 10:24 - Nau Brah Ndu Ngơi 2023

²⁴ Yor nây, Kôranh Brah jêng Brah Yêhôva ma phung tahan lah tâm ban pônây: “Ơ phung ƀon lan Gâp dôl gŭ ta Siôn, lơi klach ôh ma phung Asiri lah khân păng dong khân may ma mâng rpăt jêh ri yơr mâng khân păng tâm rdâng đah khân may, tâm ban ma phung Êjipt hŏ ƀư jêh.

Êsai 10:24 ပူးပေါင်းရင်းမြစ်များ

II Phung Hađăch 19:6

jêh ri Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

Nau Ngluh Êjipt 14:9

Phung Êjipt hăn tĭng khân păng ma seh, ndeh seh, phung tahan ncho seh, nđâp phung tahan Pharaôn hăn tĭng jêh ri ban phung Israel, dôl khân păng ndâk ngih bok ta kơh dak mƀŭt, dăch Pi-hahirôt, tâm tra đah Baal-Sêphôn.

Nau Ngluh Êjipt 5:14

Phung kôranh mbŭch bunuyh Israel tă bơh phung kôranh uănh kan Pharaôn săch gay uănh nđôi lĕ phung Israel ƀaƀă jêng phung lĕ bu hŏ dong mbang jêh ri ôp khân păng: “Mâm ƀư nđaơ jêh ri nar aơ khân may mâu ƀư nŭm ôh rnoh ƀrĭk hŏ jao jêh nâm bu lor?”

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 27:7

Di hĕ May lơh păng tâm ban ma nơm hŏ lơh păng lĕ? Mâu lah geh bu nkhĭt păng tâm ban ma phung nkhĭt păng hŏ khĭt jêh?

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Êsai 37:6

Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Êsai 9:4

Lĕ rngôch ndrom jâng phung tahan soh tâm nôk tâm lơh, Jêh ri kho ao mprănh mham Bu mra prăp ma ndơ ăn ŭnh sa da dê.

Mika 5:5

Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.