Êsai 10:22 - Nau Brah Ndu Ngơi 2023

²² Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 10:22 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

II Phung Hađăch 19:31

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 37:31

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 48:19

Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Êsai 59:20

“Nơm Tâm Chuai mra văch ma ƀon Siôn, Văch ma phung tâm ngih Yakôb hŏ chalơi nau tih.” Brah Yêhôva lah kơt nĕ.

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Êsai 60:22

Nơm djê̆ lơn mra geh rbăn phung kon sau, Nơm rdja lơn mra jêng du mpôl băl bunuyh ktang. Gâp jêng Brah Yêhôva, Gâp mra ƀư gơnh nau nây di nau tâm nal!

Êsai 65:8

Pô aơ Brah Yêhôva lah: “Lah bu saơ ndrănh mhe tâm rkŭm play krăk ƀâu Pôri bu lah: ‘Lơi ƀư rai păng ôh, Yorlah tâm păng geh nau ueh lăng;’ Gâp ăt mra ƀư tâm ban pônây yor phung oh mon Gâp, Gay ma Gâp mâu ƀư rai lĕ rngôch khân păng.

Êsai 8:8

n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Nau Tâm Mpơl 20:8

păng mra hăn luh gay ndơm mƀruh phung mpôl băl bunuyh gŭ tâm puăn njônh ta neh ntu jêng phung Gôk jêh ri phung Magôk, gay rgum phung nây ma nau tâm lơh. Phung tahan khân păng âk nâm bu choih ta kơh dak mƀŭt.