Êsai 10:21 - Nau Brah Ndu Ngơi 2023

²¹ Ƀaƀă phung hôm e klen, jêng phung ƀon lan hôm e klen Yakôb, mra plơ̆ tay ma Brah Ndu nau brah.

Êsai 10:21 ပူးပေါင်းရင်းမြစ်များ

Êsra 1:4

Jêh ri phung ƀon lan gŭ ta ntŭk phung Yuđa hôm e klen dôl gŭ rêh, ăn kơl khân păng ma prăk, mah, drăp ndơ, mpô mpa rong, nđâp ma lĕ ndơ nhhơr hŏ mĭn jêh ma ngih Brah Ndu ta Yêrusalem.’ ”

Êsai 19:22

Brah Yêhôva mra dong bri Êjipt; jêh dong ƀư bah tay khân păng đŏng. Khân păng mra sĭt ma Brah Yêhôva. Păng mra iăt nau khân păng mbơh sơm jêh ri ƀư bah khân păng.

Êsai 37:31

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 59:20

“Nơm Tâm Chuai mra văch ma ƀon Siôn, Văch ma phung tâm ngih Yakôb hŏ chalơi nau tih.” Brah Yêhôva lah kơt nĕ.

Êsai 7:3

Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.