Êsai 10:18 - Nau Brah Ndu Ngơi 2023

¹⁸ Bi ma nau ueh bri krŏng jêh ri mir tơm play hađăch nây, Păng mra ƀư rai lĕ rngôch, nđâp ma huêng jêh ri săk jăn, Tâm ban ma bunuyh mâu hôm geh suan hăn ndĭt ndĭu.

Êsai 10:18 ပူးပေါင်းရင်းမြစ်များ

II Phung Hađăch 19:23

May prơh jêh phung mbơh hăn gay mưch rmot ma Kôranh Brah. May lah: “Ma âk ir ndeh seh, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban; Gâp mra kăl lĕ tơm si Sêdar prêh lơn, Jêh ri lĕ tơm si chiprơ dŭt ueh lơn; Gâp mra tât ta ntŭk ngai, Tâm krŏng tơm si dŭt pŭm.

II Phung Hađăch 19:28

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 32:19

Ƀiălah mih pler mra nkhŭt tâm krŏng, Jêh ri ƀon toyh mra rlâm,

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”