Êsai 10:17 - Nau Brah Ndu Ngơi 2023

¹⁷ Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 10:17 ပူးပေါင်းရင်းမြစ်များ

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 97:3

Ŭnh mpăr tanăp Păng Jêh ri su lĕ rngôch phung rlăng văr jŭm Păng.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Êsai 27:7

Di hĕ May lơh păng tâm ban ma nơm hŏ lơh păng lĕ? Mâu lah geh bu nkhĭt păng tâm ban ma phung nkhĭt păng hŏ khĭt jêh?

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 33:12

Phung ƀon lan mra jêng tâm ban ma klo dôl gŭch, Tâm ban ma lok bu kăl jêh ri su jêh tâm ŭnh.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Êsai 60:19

May mâu hôm mra nsing nar Sol ang nôk nar, Jêh ri mâu hôm ŭch đă khay Sol ang nôk măng; Yorlah Brah Yêhôva mra jêng nau ang n'ho ro ma may, Brah Ndu may mra jêng nau chrêk rmah may.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Nau Vay Nkah Tay 4:24

Yorlah Yêhôva Brah Ndu khân may jêng du rlô ŭnh su jêh ri jêng Brah Ndu blau ntôn.

ហេឞ្រើ 12:29

yorlah Brah Ndu he jêng mpiăt ŭnh su lĕ.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.