Êsai 10:16 - Nau Brah Ndu Ngơi 2023

¹⁶ Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 10:16 ပူးပေါင်းရင်းမြစ်များ

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Mprơ Ơm 106:15

Brah Ndu ăn moh ndơ khân păng dăn, Ƀiălah ăn nau ji kuet ƀư rai ma nau rêh khân păng.

Nau Mprơ Ơm 78:31

Nôk nây Brah Ndu ji nuih ma khân păng; Păng nkhĭt phung lay ktang lơn lĕ rngôch, Păng dong phung bu klâu mom Israel.

Êsai 10:18

Bi ma nau ueh bri krŏng jêh ri mir tơm play hađăch nây, Păng mra ƀư rai lĕ rngôch, nđâp ma huêng jêh ri săk jăn, Tâm ban ma bunuyh mâu hôm geh suan hăn ndĭt ndĭu.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 5:17

Rnôk nây, phung kon biăp mra sa gơ̆ nâm bu ndrêch gơ̆ khân păng nơm, Phung bu gŭ njưh mra sa ta ntŭk rlâm rai nchah phung ndrŏng.

Êsai 8:7

yor nây, Kôranh Brah mra ƀư ăn dak bơh Dak Krong Me hoch thăng ta khân păng, nâm bu ntĭt hađăch bri Asiri ndrel ma lĕ rngôch nau chrêk rmah păng. N'hong dak aơ mra hao ler bêng n'hong jêh ri lip lĕ rngôch kơh,

Êsai 9:4

Lĕ rngôch ndrom jâng phung tahan soh tâm nôk tâm lơh, Jêh ri kho ao mprănh mham Bu mra prăp ma ndơ ăn ŭnh sa da dê.

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 48:14

Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Nahum 1:12

Ƀiălah Brah Yêhôva lah: “Nđâp lah khân păng geh nau tâm rnglăp ndrel âk kđôi lĕ, Bu mra ƀư rai jêh ri ăn roh khân păng. Hơi phung ƀon lan Gâp, nđâp lah Gâp hŏ ƀư nkrit jêh khân may, Gâp mâu mra ƀư nkrit khân may đŏng ôh.

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.

Sakari 7:4

Nôk nây geh nau ngơi bơh Brah Yêhôva ma phung tahan lah ma gâp pô aơ:

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.