Êsai 1:27 - Nau Brah Ndu Ngơi 2023

²⁷ Bu mra tâm chuai ƀon Siôn ma nau di, Jêh ri phung ƀon lan tâm ƀon toyh rmal nau tih mra dơi tâm chuai bơh nau sŏng srăng.

Êsai 1:27 ပူးပေါင်းရင်းမြစ်များ

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 52:3

Yorlah Brah Yêhôva lah pô aơ: “Bu tăch jêh khân may mâu geh ăn prăk, jêh ri bu mra tâm chuai khân may mâu hôm ŭch prăk.”

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Ndrom Samƀŭt bơh Ôsê 2:19

Gâp mra nđăp ay đah Gâp n'ho ro; Gâp mra nđăp ay đah Gâp tâm nau di jêh ri sŏng, Nau ueh jêh ri nau yô̆ nđach.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.