Êsai 1:23 - Nau Brah Ndu Ngơi 2023

²³ Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 1:23 ပူးပေါင်းရင်းမြစ်များ

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Nau Ngluh Êjipt 23:8

Lơi may dơn ôh drăp bu blŏl, yorlah drăp bu blŏl mra ƀư chieh măt nơm gĭt blau jêh ri nsak nau ngơi bơh phung nơm sŏng srăng.

Nau Hôr 17:23

Bunuyh ƀai dơn ndơ bu blŏl ma nau ndâp Gay ƀư vĭ mâng njing nau di.

Nau Hôr 29:24

Mbu nơm tâm rnglăp ndrel bunuyh ntŭng jêng rlăng đah huêng păng nơm; Păng tăng nau rak rtăp ƀiălah mâu mpơl ôh du ntil nau.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 1:22

Prăk may rgâl jêng mƀum, Ndrănh krăk ƀâu may tâm lŭk lai đah dak.

Êsai 28:14

Yor ri, ơ phung dăng mưch, Dôl chiă uănh phung ƀon lan aơ ta ƀon Yêrusalem! Gŭ iăt hom nau Brah Yêhôva ngơi.

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 32:32

Yorlah lĕ rngôch nau mhĭk phung kon sau Israel jêh ri phung kon sau Yuđa, khân păng nơm yơh, phung hađăch, phung kôranh, lĕ phung kôranh ƀư brah, lĕ phung nơm mbơh lor khân păng, nđâp ma phung Yuđa jêh ri phung ƀon lan gŭ tâm Yêrusalem gay ƀư nsônh nuih Gâp,

Yêrêmi 4:17

Khân păng nchueng Yêrusalem nâm bu nơm chiă mir; Yorlah ƀon nây hŏ tâm rdâng đah Gâp.’” Brah Yêhôva lah pônây.

Yêrêmi 5:5

Gâp mra tât mâp phung geh nau dơi Jêh ri ngơi đah khân păng, Yorlah khân păng gĭt rah vah trong Brah Yêhôva, Nau Brah Ndu păng lah.” Ƀiălah khân păng nơm hŏ nsum ndrel nsum ndrel nkê̆ch mâng mbăk, Tăch rse!

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Ndrom Samƀŭt bơh Ôsê 4:18

Khân păng nhêt sa nhŭl hơm, Jêh nây dah ma ƀư nau ka n'hong; Khân păng ŭch ngăn nau bêk prêng rlau lơn ma nau chrêk rmah.

Ndrom Samƀŭt bơh Ôsê 5:10

Phung kôranh Yuđa Nâm bu phung tĭt n'har bri; Gâp mra nkhŭt nau ji nuih ta khân păng Nâm bu nkhŭt dak.

Ndrom Samƀŭt bơh Ôsê 9:15

Lĕ rngôch nau djơh mhĭk khân păng gŭ ta ƀon Gilgal da dê; Ta ntŭk nây yơh Gâp tâm rmot ma khân păng. Yor lĕ nau kan djơh mhĭk khân păng Gâp mra mprơh khân păng bơh ngih Gâp; Gâp mâu hôm rŏng ma khân păng đŏng ôh. Lĕ rngôch phung kôranh chiă uănh khân păng jêng phung mâu gŭ răp jăp.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 3:9

Hơi phung kôranh ngih Yakôb Jêh ri phung chiă uănh ngih Israel, iăt hom nau aơ, Khân may tâm rmot nau di Jêh ri ƀư rai yot lơi nau tâm ban.

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Sakari 7:10

Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Kơp Bunuyh 22:7

Pôri phung kôranh bu ranh n'gor Môap jêh ri phung kôranh bu ranh n'gor Madian dâk hăn, djôt leo ndơ nhhơr ma phung n'hŭm. Khân păng tâm mâp đah Y-Balaam jêh ri nkoch tay lĕ nau ngơi Y-Balak.

Mathay 21:13

Păng lah ma khân păng: “Geh nau nchih jêh: ‘Ngih Gâp mra kuăl jêng ngih mbơh sơm’, Ƀiălah khân may plăch ntŭk nây jêng trôm nau tâm ntŭng.”

Markôs 11:17

Jêh nây Păng ntĭm nti ma khân păng: “Mâu di ƀơh, geh nau nchih jêh pô aơ: ‘Ngih Gâp bu mra kuăl jêng ngih mbơh sơm ma lĕ rngôch mpôl băl bunuyh’? Ƀiălah khân may njêng ntŭk nây jêng trôm nau ntŭng.”

Luka 19:46

jêh ri lah ma khân păng: “Geh nau nchih jêh pô aơ: ‘Ngih Gâp mra jêng ngih mbơh sơm,’ ƀiălah khân may plăch ntŭk nây jêng trôm nau tâm ntŭng.”

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.