Êsai 1:20 - Nau Brah Ndu Ngơi 2023

²⁰ Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Êsai 1:20 ပူးပေါင်းရင်းမြစ်များ

Ndrom Samƀŭt bơh Yôp 36:12

Ƀiălah tơlah mâu tông ôh, khân păng mra nkhĭt ma đao, Jêh ri khĭt yor mâu geh nau gĭt rbăng.

Nau Ngluh Êjipt 9:2

Yorlah tơlah may mâu ŭch ăn ôh khân păng hăn jêh ri hôm kân khân păng

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 3:25

Phung bu klâu may mra cha lôt ma đao, Phung tahan janh ktang may mra khĭt tâm nau tâm lơh.

Êsai 34:16

Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 21:8

May ngơi hom ma phung ƀon lan aơ: ‘Brah Yêhôva lah: Aơ, Gâp dơm tanăp măt khân may trong njŭn tât ma nau rêh jêh ri trong njŭn tât ma nau khĭt.

Yêrêmi 26:4

Pô aơ may lah hom ma khân păng: Brah Yêhôva lah: ‘Tơlah khân may mâu ŭch iăt ôh nau Gâp, mâu rêh tĭng nau vay Gâp ndâk jêh tanăp khân may;

Yêrêmi 4:17

Khân păng nchueng Yêrusalem nâm bu nơm chiă mir; Yorlah ƀon nây hŏ tâm rdâng đah Gâp.’” Brah Yêhôva lah pônây.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.

I Samuel 12:25

Ƀiălah, tơlah khân may ăt ƀư nau mhĭk khân may jêh ri hađăch khân may mra rai lĕ.”

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”