Êsai 1:19 - Nau Brah Ndu Ngơi 2023

¹⁹ Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 1:19 ပူးပေါင်းရင်းမြစ်များ

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Yêrêmi 21:8

May ngơi hom ma phung ƀon lan aơ: ‘Brah Yêhôva lah: Aơ, Gâp dơm tanăp măt khân may trong njŭn tât ma nau rêh jêh ri trong njŭn tât ma nau khĭt.

Yêrêmi 7:3

Brah Yêhôva ma phung tahan, Brah Ndu Israel, lah pô aơ: Nkra hom trong jêh ri nau khân may ƀư pôri Gâp mra ăn khân may gŭ tay ntŭk aơ.

Yêrêmi 7:5

Yorlah tơlah khân may rgâl ngăn trong jêh ri nau khân may ƀư, tơlah nanê̆ khân may gŭ ngao ndrăng nơm ma nau sŏng,

Yêrêmi 7:7

pôri Gâp mra ăn khân may gŭ tay ta ntŭk aơ, tâm n'gor Gâp hŏ ăn jêh ma chô yau khân may ntơm bơh kăl e kŏ tât n'ho ro.

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Kan Lêvi 25:19

Neh mra deh play kao ăn ma khân may, khân may mra sa kŏ hơm jêh ri gŭ rêh ma nau đăp mpăn tâm n'gor.

Kan Lêvi 26:3

Tơlah Khân may hăn tĭng nâm nau vay dăp bơh Gâp, mât mray lĕ nau vay ntăm bơh Gâp jêh ri ƀư tĭng kơt,

Kan Lêvi 26:5

Yan mprah ba mra nđom jong kŏ tât yan pĕ play krăk ƀâu, yan pĕ play krăk ƀâu mra nđom jong kŏ tât yan tuch tăm. Khân may mra sa piăng let kŏ hơm jêh ri gŭ đăp mpăn tâm n'gor khân may.

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Nau Vay Nkah Tay 28:1

“Tơlah khân may lĕ nuih n'hâm rkêng iăt ngăn nau Yêhôva Brah Ndu khân may lah, njrăng hom ƀư tĭng kơt lĕ rngôch nau vay Păng ntăm, jêng nau gâp ntăm ma khân may nar aơ ri mơ Yêhôva Brah Ndu khân may mra n'hao ma khân may rlau lơn lĕ rngôch phung ndŭl mpôl ta neh ntu aơ.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,