Êsai 1:18 - Nau Brah Ndu Ngơi 2023

¹⁸ Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 1:18 ပူးပေါင်းရင်းမြစ်များ

Ndrom Samƀŭt bơh Yôp 9:33

Mâu geh ôh du huê ƀư nơm phat dôih ta nklang hên, Gay dra ti klơ ma lĕ bar hê hên.

Nau Mprơ Ơm 51:7

Dăn sŏk rkŭm hisôp ƀư kloh nau tih gâp ri mơ gâp mra jêng kloh rsang; Dăn May rao gâp jêh ri gâp mra jêng nglang lơn ma dak pler.

Nau Mprơ Ơm 51:9

Dăn May rle măt bơh lĕ nau tih gâp Jêh ri jut lơi lĕ nau tih gâp.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 3:13

Brah Yêhôva dâk gay tâm rlăch nchră, Păng gŭ râng gay phat dôih phung ƀon lan.

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 41:21

Brah Yêhôva lah: “Tâm mpơl hom nau khân may tâm phong dôih;” Hađăch phung Yakôb lah: “Tâm mpơl hom lĕ nau di khân may.”

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 50:8

Nơm kơp Gâp sŏng srăng hŏ tât dăch jêh. Mbu nơm tâm rdâng đah Gâp? Ăn he dâk hom ndrel Gâp! Mbu nơm jêng phung tâm rdâng đah Gâp? Văch hom êp Gâp!

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Êsêkiêl 18:27

Tơlah du huê bunuyh mhĭk chalơi lĕ nau mhĭk păng hŏ ƀư jêh ri păng ƀư tĭng nau sŏng nau di pôri păng mra tâm rklaih huêng păng nơm.

Êsêkiêl 33:16

Mâu geh du ntil nau tih păng hŏ ƀư mra kah gĭt tay gay ma tâm rdâng đah păng; păng hŏ ƀư nau sŏng srăng, nau di, n'hêl nanê̆ păng mra rêh.

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.

Kôranh Oh Mon 17:2

Tĭng nâm nau vay, Y-Pôl lăp tâm ngih rƀŭn; tâm pe nar saƀat, păng tâm rlăch đah khân păng,

Kôranh Oh Mon 18:4

Ăp nar saƀat, Y-Pôl mbơh nkoch tâm ngih rƀŭn, srôih jă phung Yuđa jêh ri phung Grek.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.

I Samuel 12:7

Pôri aƀaơ, dâk hom ta aơ. Gâp mra rlăch đah khân may tanăp Brah Yêhôva yor lĕ kan sŏng srăng Brah Yêhôva hŏ ƀư jêh ma khân may jêh ri chô yau khân may.