Êsai 1:15 - Nau Brah Ndu Ngơi 2023

¹⁵ Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 1:15 ပူးပေါင်းရင်းမြစ်များ

I Phung Hađăch 8:22

Jêh nĕ, Y-Salômôn dâk panăp nơng ƀư brah Brah Yêhôva, tanăp lĕ rngôch phung Israel tâm rƀŭn, yơr bar đah ti rlet klơ trôk, jêh ri mbơh sơm pô aơ:

I Phung Hađăch 8:54

Tơlah Y-Salômôn hŏ nhhơr ma Brah Yêhôva lĕ nau mbơh sơm jêh ri nau vơl dăn aơ lôch jêh, hađăch dâk tanăp nơng ƀư brah Brah Yêhôva, ntŭk hađăch hŏ chon kômâk jêh ri yơr bar ti leo klơ trôk.

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Ndrom Samƀŭt bơh Yôp 27:20

Krit klach tât ndal nâm bu dak lip; Bri măng phŭt chuănh rdu păng.

Ndrom Samƀŭt bơh Yôp 35:13

N'hêl nanê̆, nau mbơh sơm mâu răp jăp Brah Ndu mâu iăt ôh, Nơm Geh Lĕ Nau Brah mâu mra treng uănh ôh.

Nau Mprơ Ơm 134:2

Yơr hom ti khân may rle mpeh ma ntŭk kloh ueh, Jêh ri tâm rnê ma Brah Yêhôva!

Nau Mprơ Ơm 55:1

Ơ Brah Ndu, dăn iăt nau gâp mbơh sơm, Lơi ta pôn ôh măt tanăp nau gâp kuăl dăn.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Nau Hôr 1:28

Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Êsêkiêl 11:6

Khân may hŏ nkhĭt âk râk ngăn bunuyh tâm ƀon aơ jêh ri ƀư bêng ma bunuyh khĭt tâm lam ăp trong sâng.’

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Êsêkiêl 39:23

Rnôk nây, lĕ ntil mpôl bunuyh mra gĭt ma ngih Israel hŏ leo hăn ƀư bu nă yor nau tih khân păng, yorlah păng hŏ ƀư tih tâm rdâng đah Gâp. Yor nây yơh Gâp pôn lơi muh măt Gâp đah khân păng, jao khân păng tâm ti phung rlăng jêh ri lĕ rngôch khân păng hŏ chôt khĭt ma đao.

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 6:7

Tơlah khân may mbơh sơm, lơi răk rlŏk ƀaƀơ ôh du ntil nau nây nâm bu phung padih; yorlah khân păng mĭn tơlah ngơi âk ri mơ Brah Ndu mra dơn.

Yôhan 9:31

He gĭt Brah Ndu mâu iăt ôh phung bunuyh geh nau tih, ƀiălah tơlah mbu nơm klach yơk ma Păng, jêh ri ƀư tĭng nâm nau mĭn Păng ŭch ri mơ Brah Ndu iăt nau păng.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.