Êsai 1:1 - Nau Brah Ndu Ngơi 2023

¹ Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 1:1 ပူးပေါင်းရင်းမြစ်များ

II Phung Hađăch 15:1

Tâm năm rơh bar jât ma pơh rnôk rô̆ Y-Jêrôbôam, hađăch Israel chiă uănh, geh Y-Asaria, kon Y-Amasia, hađăch Yuđa ntơm chiă uănh.

II Phung Hađăch 15:13

Tâm năm rơh pe jât ma sĭn rnôk rô̆ Y-Usia, hađăch Yuđa chiă uănh, geh Y-Salum, kon Y-Jabes, hao jêng hađăch jêh ri chiă uănh dôl du khay tâm ƀon Samari.

II Phung Hađăch 15:32

Tâm năm rơh bar rnôk rô̆ Y-Pêka, kon Y-Rêmalia, hađăch Israel chiă uănh, geh Y-Jôtham, kon Y-Usia, hađăch Yuđa hao gŭ ta sưng hađăch.

II Phung Hađăch 15:7

Y-Asaria khĭt hăn gŭ ndrel ma phung chô yau păng jêh ri bu tâp păng ndrel ma khân păng tâm ƀon Đavit. Jêh nây kon păng jêng Y-Jôtham chiă uănh thoi păng.

II Phung Hađăch 18:1

Tâm năm rơh pe rnôk rô̆ Y-Hôsêa, kon Y-Êla, hađăch Israel chiă uănh, pôri Y-Hêsêkia, kon Y-Ahas, hađăch Yuđa, hao jêng hađăch.

II Phung Hađăch 19:2

Păng prơh kôranh mât uănh ngih hađăch jêng Y-Êliakim, kôranh nchih samƀŭt Y-Sêpna jêh ri phung kôranh ƀư brah ranh rlau lơn nsoh ao ƀau hăn mâp ma nơm mbơh lor Y-Êsai, kon bu klâu Y-Amôt.

II Nau Rêh Jêng 26:1

Lĕ rngôch phung ƀon lan Yuđa njêng Y-Usia n'hao ƀư hađăch, ntrok mbơ̆ păng jêng Y-Amasia, nôk Y-Usia geh jât ma prao năm.

II Nau Rêh Jêng 26:22

Nơm mbơh lor Y-Êsai, kon bu klâu Y-Amôt, hŏ nchih lĕ nau kan ƀaƀă Y-Usia ƀư, bơh ntơm tât lôch.

II Nau Rêh Jêng 27:1

Nôk hao jêng hađăch, Y-Jôtham geh bar jât ma prăm năm jêh ri păng chiă uănh jât ma prao năm ta ƀon Yêrusalem. Amoh mê̆ păng jêng H'Jêrusa, kon bu ur Y-Sadôk.

II Nau Rêh Jêng 28:1

Y-Ahas geh bar jât năm, tơlah păng ntơm chiă uănh, jêh ri păng chiă uănh jât ma prao năm tâm ƀon Yêrusalem. Jêh ri păng mâu ƀư nau di tanăp măt Yêhôva nâm bu chô yau păng jêng Y-Đavit,

II Nau Rêh Jêng 29:33

Rlau ma nĕ, khân păng ƀư kloh tay prao rhiăng ndrôk nkuăng jêh ri pe rbăn mlâm biăp jêh ri be.

Nau Mprơ Ơm 89:19

Rnôk nây, May lah ma phung kloh ueh May tâm nau tâm saơ, pô aơ: “Gâp dơm jêh du huê nơm ktang gay ma kơl may, Jêh ri n'hao du huê bunuyh dơi săch tă bơh nklang phung ƀon lan.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 2:1

Aơ jêng nau Y-Êsai, kon bu klâu Y-Amôt, hŏ saơ ma bri Yuđa jêh ri ƀon Yêrusalem:

Êsai 20:2

tâm nôk nây geh nau Brah Yêhôva ngơi ma Y-Êsai, kon bu klâu Y-Amôt, pô aơ: “Hăn hom, doh hom ao ƀau bơh bŭt may, jêh ri doh lơi ntâu jot bơh jâng may.” Y-Êsai ƀư di nâm bu pônây, păng hăn săk hưl jêh ri hăn jâng dơm.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 37:2

Păng đă Y-Êliakim jêng kôranh mât uănh ngih hađăch, Y-Sêpna jêng kôranh nchih samƀŭt jêh ri phung kôranh ƀư brah ranh rlau lơn nsoh ao ƀau hăn mâp ma nơm mbơh lor Y-Êsai, kon bu klâu Y-Amôt.

Êsai 38:1

Tâm lĕ nar nây, Y-Hêsêkia ji dăch khĭt. Nơm mbơh lor Y-Êsai, kon bu klâu Y-Amôt, hăn tâm mâp păng jêh ri lah: “Brah Yêhôva lah kơt aơ: ‘Dăp nkra hom kan tâm ngih may yorlah may mra khĭt, mâu hôm dơi rêh ôh.’ ”

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 6:1

Năm hađăch Usia khĭt, gâp hŏ saơ Kôranh Brah gŭ ta du mlâm sưng hađăch dŭt prêh ngăn, ntôr ao jâr Păng ƀư bêng ngih brah.

Êsai 7:1

Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Yêrêmi 23:16

Brah Yêhôva ma phung tahan lah: “Lơi ta iăt ôh nau phung mbơh lor mbơh ma khân may. Khân păng srih nau kâp gân ma nau dơm dam Ngơi nau tâm saơ yor bơh khân păng nơm mĭn êng Mâu di bơh trôm mbung Brah Yêhôva lah ôh.

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

Amôt 4:5

Su lơi hom ndơ ƀư brah nau tâm rnê ma piăng let geh ndrui; Mbơh hom lĕ ndơ ƀư brah hŏ mĭn jêh tâm nuih n'hâm; Ntưih hom ăn bu gĭt lĕ nau nây! Hơi phung kon Israel, yorlah khân may ŭch ƀư nâm bu pônây.” Kôranh Brah Yêhôva lah pônây.

Mika 1:1

Nau Brah Yêhôva lah ma Y-Mika, bunuyh ƀon Môrêset tâm nôk phung hađăch n'gor Yuđa jêng Y-Jôtham, Y-Ahas jêh ri Y-Hêsêkia, bơh lĕ nau păng tâm saơ ma ƀon Samari jêh ri ƀon Yêrusalem.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Habakuk 2:2

Brah Yêhôva plơ̆ lah jêh ri đă gâp: “Nchih hom nau tâm saơ; Jêh ri nchih păng ntoh rah vah ta du plơp kađar, Gay bunuyh dôl nchuăt dơi rŏ săr lah.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 24:16

Nau mbơh lor tă bơh nơm iăt nau Brah Ndu ngơi, Gĭt nau gĭt rbăng Nơm Dŭt Prêh, Saơ nau tâm saơ tă bơh Nơm Geh Lĕ Nau Brah, Cha lôt ro jêh ri geh măt lin jêh:

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Mathay 17:9

Dôl tơlah Păng ndrel ma phung oh mon jŭr tă bơh yôk, Brah Yêsu lah ma khân păng: “Lơi nkoch tay ma bu ôh nau tâm saơ aơ kŏ tât Kon Bunuyh dâk rêh tay tă bơh nau khĭt.”

Kôranh Oh Mon 10:17

Dôl Y-Pêtrôs hôm gŭ mĭn rvê ma nau rblang nau păng tâm saơ, ri, phung bunuyh Y-Kôrnei njuăl hăn, hŏ joi ngih Y-Simôn jêh ri khân păng tât ta mpông.

Kôranh Oh Mon 26:19

Hơi hađăch Agripa, ntơm bơh nây, gâp mâu janh tâm rdâng đah nau tâm saơ tă bơh klơ trôk ôh;

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.