Êphêsô 6:17 - Nau Brah Ndu Ngơi 2023

¹⁷ Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

Bunong Bible Latin Script Cambodian dialect

¹⁷ Sŏ nau rklaih tâm ban ma ndô môk loyh, ndrel ma sŏ nau ngơi Kôranh Brah nơm i tâm ban ma đao i Brah Huêng Ueh ăn ma khân ay may.

Bunong

¹⁷ ឆ៝ៈ​នាវ​រាក្លាយ្ស​តឹម​ឞាន​មា​នទោ​មោក​ល៝យ្ស នទ្រែល​មា​ឆ៝ៈ​នាវ​ងើយ​កោរាញ​ឞ្រាស​នើម​អី​តឹម​ឞាន​មា​ដាវ​អី​ឞ្រាស​ហ្វេង​អ្វែស​អ៝ន់​មា​ខាន់​អៃ​មៃ។

Êphêsô 6:17 ပူးပေါင်းရင်းမြစ်များ

II Samuel 22:36

Kôranh Brah ăn ma gâp khêl nau tâm rklaih, Păng, Jêh ri dêh rhêt May hŏ ƀư jêh ma gâp jêng toyh.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Mathay 4:4

Brah Yêsu plơ̆ lah: “Geh nau nchih pô aơ: ‘Bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Ndu.’ ”

Mathay 4:7

Brah Yêsu lah: “Geh đŏng nau nchih: ‘May lơi rlong uănh Kôranh Brah, jêng Brah Ndu may ôh.’ ”

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

ហេឞ្រើ 6:5

mâp chiăm jêh nau ueh tâm nau ngơi Brah Ndu, jêh ri nau brah ma rnôk rô̆ mra tât;

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’

I Samuel 17:5

bôk păng ndô môk kông, nsoh ao kông nsiap ka jâk prăm jât ma pơh kilô.

I Samuel 17:58

Y-Sôl ôp păng: “Hơi nô ndăm, mbu moh kon may jêng?” Y-Đavit plơ̆ sĭt lah: “Gâp jêng kon Y-Yêsê, oh mon may, bunuyh bơh Ƀêtlêhem.”