Êphêsô 4:15 - Nau Brah Ndu Ngơi 2023

¹⁵ Ƀiălah Păng ŭch he ngơi nau ngăn tâm nuih n'hâm rŏng, dĭng he văch ma toyh tâm ăp kô̆ rle tât ma Brah Krist, jêng bôk;

Bunong Bible Latin Script Cambodian dialect

¹⁵ Yơn ma nôk bân ngơi nau ngăn ma bu, ăn ngơi ma nau dêh rhêt. Ăn bân lơ ma hô dâng lĕ ta ăp ntil nau jêng tâm ban ma Brah Krist. Păng kôranh bân tâm ban ma bôk jêng kôranh ma săk jăn.

Bunong

¹⁵ យើន​មា​នោក​ឞ៝ន់​ងើយ​នាវ​ងាន់​មា​ឞូ អ៝ន់​ងើយ​មា​នាវ​ទេស​រាហេត។ អ៝ន់​ឞ៝ន់​លើ​មា​ហោ​ទឹង​លែៈ​តា​អាប់​នតីល​នាវ​ជេង​តឹម​ឞាន​មា​ឞ្រាស​ក្រីស  ។ ពាង់​កោរាញ​ឞ៝ន់​តឹម​ឞាន​មា​ឞោក​ជេង​កោរាញ​មា​ឆាក់​ជាន់។

Êphêsô 4:15 ပူးပေါင်းရင်းမြစ်များ

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 8:8

Gâp lah nau aơ mâu di ŭch ntrŭnh ma khân may ôh, ƀiălah gâp knŏng ŭch saơ nuih n'hâm duh nđơr phung êng gay uănh nuih n'hâm khân may geh nau rŏng nanê̆ mâu lah mâu.

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Êphêsô 2:21

Tâm Păng, lĕ kô̆ ta ngih tâm rnglăp ndrel, jêh ri jêng du mlâm ngih kloh ueh tâm Kôranh Brah.

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Êphêsô 5:23

Yorlah sai jêng bôk ma ur păng, tâm ban ma Brah Krist jêng bôk ma Phung Ngih Brah Ndu, Phung ngih Brah Ndu jêng săk jăn Păng jêh ri Păng yơh jêng Nơm Tâm Rklaih ma Phung Ngih Brah Ndu.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

I Yôhan 3:18

Hơi phung kon jê̆, lơi rŏng tâm nau ngơi jêh ri ta mbung mpiăt, ƀiălah rŏng hom tâm nau kan jêh ri ma nau nanê̆ ngăn.

Phung Kôranh Phat Dôih 16:15

Rnôk nây, păng lah ma Y-Samsôn: “Mâm may dơi lah ‘gâp rŏng ma ay,’ tâm nôk nuih n'hâm may mâu geh ndrel ma gâp? May ndơm ma gâp pe tơ̆, jêh ri may mâu lah ôh ma gâp gĭt mbah tă may geh nau ktang toyh kơt nĕ.”