Êphêsô 1:17 - Nau Brah Ndu Ngơi 2023

¹⁷ Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Bunong Bible Latin Script Cambodian dialect

¹⁷ Gâp dăn Kôranh Brah i Bơ̆ Brah Yêsu Krist Kôranh bân nơm, Păng i Bơ̆ i geh nau chrêk lơp. Gâp dăn Păng ăn Brah Huêng Ueh ăn khân ay may geh nau mân gĭt blao, ndrel ma ăn Brah Huêng Ueh nhhơ Păng nơm ma khân ay may, gay ma khân ay may gĭt năl Păng lơ ma hô ngăn.

Bunong

¹⁷ គ៝ប់​ទាន់​កោរាញ​ឞ្រាស​អី​ឞឹ​ឞ្រាស​យេឆូ​ក្រីស  ​កោរាញ​ឞ៝ន់​នើម ពាង់​អី​ឞឹ​អី​គែស​នាវ​ច្រេក​លើប។ គ៝ប់​ទាន់​ពាង់​អ៝ន់​ឞ្រាស​ហ្វេង​អ្វែស​អ៝ន់​ខាន់​អៃ​មៃ​គែស​នាវ​មឹន​គឹត​ឞ្លាវ នទ្រែល​មា​អ៝ន់​ឞ្រាស​ហ្វេង​អ្វែស​ញហើ​ពាង់​នើម​មា​ខាន់​អៃ​មៃ គៃ​មា​ខាន់​អៃ​មៃ​គឹត​នាល់​ពាង់​លើ​មា​ហោ​ងាន់។

Êphêsô 1:17 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Ndrom Samƀŭt bơh Yôp 42:5

Kăl e tôr gâp geh tăng bu nkoch ma May, Ƀiălah aƀaơ măt gâp hŏ saơ jêh May;

Nau Mprơ Ơm 24:10

Mbu jêng Hađăch chrêk rmah aơ? Nây jêng Brah Yêhôva ma phung tahan, Păng yơh jêng Hađăch chrêk rmah. (Sêla)

Nau Mprơ Ơm 24:7

Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Mprơ Ơm 29:3

Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

Nau Ngluh Êjipt 28:3

Ăn may ntĭnh ăn ma lĕ phung geh nau gĭt blau, ma phung bunuyh Gâp ăn jêh nau blau mĭn gay ma khân păng jĭm bok ao Y-Arôn, gay prăp ma păng nau kan jêng kôranh ƀư brah Gâp.

Nau Hôr 18:15

Nuih n'hâm bunuyh gĭt rbăng vơt dơn nau blau mĭn, Tôr bunuyh blau mĭn tĭng joi nau gĭt rbăng.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 20:33

Khân păng lah: “Ơ Kôranh Brah ơi, ăn măt hên dơi saơ ang!”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 12:12

yorlah ta mông nây, Brah Huêng Ueh mra nti ma lĕ nau khân may mra lah.”

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Kôranh Oh Mon 6:10

Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Kôranh Oh Mon 7:2

Y-Êtiên plơ̆ lah: “Hơi phung oh nâu, phung mbơ̆, gŭ iăt hom gâp lah! Brah Ndu tâm nau chrêk rmah hŏ tâm mpơl jêh ma chô yau he jêng Y-Abraham, dôl păng gŭ tâm n'gor Mêsôpôtami, lor ma păng hăn gŭ ta ƀon Charan,

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 15:6

gay ma khân may geh du nuih n'hâm, du bâr gay tâm rnê Brah Ndu, jêng Mbơ̆ Kôranh Brah he jêng Brah Yêsu Krist.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 14:6

Hơi phung oh nâu, tơlah gâp hăn ma khân may, ngơi lĕ nau bu năch, jêh ri tơlah nau gâp ngơi mâu geh tâm mpơl, mâu geh nau gĭt rbăng, mâu geh nau mbơh lor, mâu geh ntĭm nti, moh nau gâp jêng khlay ma khân may?

I Kôrintô 2:10

Ƀiălah Brah Ndu tâm mpơl jêh lĕ nau nây ma he bơh Brah Huêng Ueh. Yorlah Brah Huêng Ueh gĭt rah vah lĕ ntil ndơ, nđâp ma lĕ nau khlay ndâp Brah Ndu.

I Kôrintô 2:8

Mâu geh du huê tâm phung kôranh chiă uănh tâm rnôk aơ gĭt năl nau nây, yorlah lah gĭt, khân păng mâu pâng Kôranh Brah nau chrêk rmah ta si tâm rkăng ôh.

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 3:5

jêng nau ê hŏ mâp tâm mpơl ma phung kon bunuyh tâm lĕ rngôch rô̆ ta lor, ƀiălah aƀaơ Brah Huêng Ueh dơi tâm mpơl ma phung kôranh oh mon kloh ueh jêh ri ma phung nơm mbơh lor Păng.

Êphêsô 4:13

kŏ tât nôk lĕ rngôch phung he dơi geh nau tâm rnglăp tâm nau chroh jêh ri tâm nau gĭt năl Kon Brah Ndu, gay plơ̆ jêng bunuyh văch ma toyh, dơi ăn nŭm nau dăng ktang tâm ban ma Brah Krist nơm.

Philip 3:15

Pôri, ăn lĕ rngôch phung văch ma toyh geh nau mĭn aơ, bi tơlah khân may mĭn ma nau êng, Brah Ndu ăt mra ƀư tâm mpơl ma khân may.

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

Yakơ 2:1

Hơi phung oh nâu gâp, khân may chroh jêh ma Brah Yêsu Krist, Kôranh Brah he geh nau chrêk rmah, lơi gŭ du ding ôh.

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

Nau Tâm Mpơl 7:12

lah pô aơ: “Amen! Nau tâm rnê, nau chrêk rmah, nau blau mĭn, nau lah ueh, nau yơk, nau brah jêh ri nau dơi jêng ndơ Brah Ndu he n'ho ro. Amen!”