Daniel 9:27 - Nau Brah Ndu Ngơi 2023

²⁷ Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Daniel 9:27 ပူးပေါင်းရင်းမြစ်များ

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 28:22

Yor nây aƀaơ aơ, lơi hôm mưch ôh, Klach lah rse kât khân may lơ hâu rêt tay; Yorlah gâp tăng jêh nau ntăm mra ƀư rai lam bri dak aơ. Bơh Kôranh Brah Yêhôva ma phung tahan.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Nau Kơp Bunuyh 7:62

du kachok mah du rhiăng jât mprăm gram bêng ma dak si ƀâu kah;

Mathay 24:15

Tơlah khân may saơ nau ƀơ̆ ƀơch ngăn ƀư nau rai ma Ntŭk Kloh Ueh, nâm nau nơm mbơh lor Y-Đaniel hŏ lah (mbu moh rŏ nau aơ gĭt hom),

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

Markôs 13:14

Ƀiălah tơlah khân may saơ nau ƀơ̆ ƀơch ngăn ƀư nau rai ta ntŭk mâu dơi vay ƀư ôh (mbu rŏ mra gĭt vât), pôri mbu dôl gŭ tâm n'gor Yuđa nchuăt du hom klơ yôk;

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Samƀŭt Pôl Njuăl Ăn Ma Phung Nsing Ta Ƀon Rôm 11:26

Pôri lĕ rngôch phung Israel mra dơi rklaih, nâm bu geh nau nchih jêh: “Nơm Rklaih mra văch tă bơh Siôn, Sŏk lơi nau mâu chroh bơh ngih Y-Yakôp”;

Samƀŭt Pôl Njuăl Ăn Ma Phung Nsing Ta Ƀon Rôm 5:15

Ƀiălah nau tih mâu tâm ban ma nau ăn ma tă bơh Kôranh Brah ôh. Yorlah tơlah bơh nau tih du huê bunuyh âk bunuyh khĭt jêh, ri mơ nau yô̆ lơ hô toyh lơn, jêh ri ndơ ăn tâm nau yô̆ luh tă bơh du huê Bunuyh jêng Brah Yêsu Krist lơ hô âk rmeh ma âk bunuyh êng êng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 5:19

Yorlah, tă bơh du huê nau mâu tông bâr ƀư ăn ma âk bunuyh plơ̆ jêng bunuyh tih, tâm ban lĕ, yor du huê Bunuyh tông bâr ƀư ăn ma âk bunuyh mra plơ̆ jêng sŏng srăng.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.